«Առավոտը» զինվորական դատախազ Գագիկ Ջհանգիրյանին խնդրեց մեկնաբանել ՀՅԴ եւ ԱԺՄ կուսակցությունների ներկայացուցիչների, նաեւ որոշ լրատվամիջոցների այն մտահոգությունները, թե հոկտեմբերի 27-ի դեպքերի նախաքննության մասին տեղեկատվություն չկա եւ բացառված չէ, որ քաղաքական նկատառումներով արհեստական ցուցմունքներ կորզվեն։ Պրն Ջհանգիրյանի պատասխանն էր. «Իմ պարտականությունը գործի նախաքննությունը վարելն է եւ ոչ թե կուսակցությունների դիրքորոշումները կամ հրապարակումները մեկնաբանելը»։
«ԵՍ ԱՌՆՉՈՒԹՅՈՒՆ ՉՈՒՆԵՄ»
ՀՀՇ վարչության նախագահ, ԱԺ պատգամավոր Վանո Սիրադեղյանն «Առավոտին» փոխանցեց հետեւյալ գրությունը Վազգեն Սարգսյանին ուղղված իր նամակի վերաբերյալ. «Նամակը «Հայկական ժամանակում» հրապարակելու հետ ես առնչություն չունեմ։ Ստույգ բացատրությունը տվել է նույն թերթը»։
Կարդացեք նաև
ՈՉ ՈՔ ՉԷՐ ՑԱՆԿԱՆՈՒՄ ԱՅԼԵՎՍ ՎԱԽԵՆԱԼ
Շաբաթավերջին կամ հաջորդ շաբաթվա սկզբին լույս կտեսնի «Չորրորդ իշխանություն» պարբերականը, որն իր գոյությունը դադարեցրել էր իշխանափոխությունից հետո։ Հանկարծակի վերահրատարակման պատճառը Շողեր Մաթեւոսյանն այսպես բացատրեց. «Ես դադարեցրի թերթի հրատարակումը, քանի որ չէի ցանկանում լրագրողներիս ֆիզիկական անվտանգությունը հարվածի տակ դնել։ Իսկ նման կոչեր կային՝ «ՉԻ»-ն մեղադրվում էր տարբեր տեղեր սեպեր խրելու մեջ։ Բայց հոկտեմբերի 27-ից հետո, նրանք ում համար անհանգստանում էի, վճռականորեն հայտարարեցին, թե հոգնել են արդեն վախենալուց, մի անգամ են ապրելու այս Հայրենիքում եւ պիտի որպես քաղաքացի դրսեւորվեն»։
Շողեր Մաթեւոսյանի հետ հարցազրույցը կարդացեք 2-րդ էջում։
