Յուրահատուկ ԱԺՄ-ական սկզբունքայնություն է ցուցաբերել այդ կուսակցության ղեկավարներից մեկը՝ երկրորդ անգամ պաշտոն ընդունելով, իր կարծիքով, ոչ լեգիտիմ նախագահի ձեռքից: Այս անգամ պրն Վարդանյանը ստանձնելու է սեփականաշնորհման նախարարի պաշտոնը, եւ դրանում խոր տրամաբանություն կա: Քանի որ ԱԺՄ-ականները 9 տարի շարունակ պնդում էին, որ սեփականաշնորհումը թալան է, նրանք ի վերջո որոշեցին անձամբ մասնակցել այդ գործընթացին:
ԱԺ պատգամավորները
Ազատական բարեփոխումների բնագավառում խոր գիտելիքներ ցուցաբերեցին խորհրդարանի պատգամավորները: Նրանք տապալեցին «Արժեթղթերի շուկայի կարգավորման մասին» օրենքը զուտ այն պատճառով, որ «արժեթուղթ» հասկացությունն իրենց համար կատարելապես «չինական այբուբեն է», իսկ «շուկա» բառի տակ նրանք հասկանում են այն «բազառները», որոնք իրենք աշխատեցնում են: Լավագույն դեպքում՝ «վետերոկները»:
Կարդացեք նաև
Պարույր Հայրիկյանը
ԱԻՄ-ի հիմնադիրը անցած շաբաթ զգուշացրեց, որ Հայաստանում կարող են իշխանության գալ «խմբապետներն ու խմբապետիկները»: Ափսոս, երկու տարի առաջ պրն Հայրիկյանը չնկատեց, որ հենց իր հիշատակած շրջանակներն են պաշտոնանկ արել Հայաստանի առաջին նախագահին եւ գահի նստեցրել Ռոբերտ Քոչարյանին՝ այդ իսկ իմաստով արդեն վաղուց եկել են իշխանության: Եթե Պարույր Հայրիկյանն այդքանն իմանար, հաստատ չէր պաշտպանի Ռոբերտ Քոչարյանին նույն ջերմությամբ:
ԱՐԱՄ ԱԲՐԱՀԱՄՅԱՆ
