Ե՞րբ եւ ո՞ր գործիչն է ասել. «Վայը տարել է այն ազգին, որի բարձրագույն իշխանության մարմինը խաղալիք է դառնում թայֆայական խաղերում։ Ձուկը գլխից է հոտում։ Առաջացած սոցիալական անդունդը կարելի է հաղթահարել իշխանության ամբողջական համակարգը թարմացնելով միայն։ Հայ ազգին վայել չէ այս աստիճան թշվառ վիճակը»։
ՆԱԽՈՐԴ
Դարձյալ Գեւորգ Գույումջյանը կռահեց մեր նախորդ առաջադրանքը. «Հանրապետական» կուսակցության նախագահ Աշոտ Նավասարդյանն էր 1997-ին նշել. «Իմիջիայլոց, Հանրապետական կուսակցությունը երբեք չի համարել, որ հավատի համար առարկայական երաշխիքը պաշտոնների նշանակումն է։ Չնայած դա առհասարակ կարող է ուղղակի ցուցանիշ լինել»: Ի դեպ, այս միտքն ուներ նաեւ շարունակություն. «Եթե մասնավորապես մեր կուսակցությանը քաղաքական, պետական պոստ չի վստահվում, նշանակում է, որ այն անվստահելի է»։ … Ընդամենը երեք տարի պահանջվեց, որ ՀՀԿ-ն դառնա խիստ վստահելի կուսակցություն, որին առատորեն բաժանվել են ու երեւի թե դեռ կբաժանվեն քաղաքական ու պետական պոստերը։
