Լրահոս
Օրվա լրահոսը

Թեկնածուները

Հունիս 30,2005 00:00

Թեկնածուները երկմտում են Սակայն արդեն այսօր «անհայտ անձինք» Արաբկիրի բնակիչներից անձնագրային տվյալներ են ուզում Մեր տեղեկություններով, Արաբկիր համայնքի թաղապետ Լեւոն Հարությունյանը, որը դեռ մի քանի ամիս առաջ է սկսել իր նախընտրական քարոզարշավը՝ գովազդային ակցիաների եւ տոնական միջոցառումներին համայնքի բնակիչներին նվերներ բաժանելու տեսքով, համայնքի թաղապետի առաջիկա ընտրություններին իր թեկնածությունը առաջադրելու հարցում երկմտում է: Երեկ «Առավոտը» Լ. Հարությունյանից հետաքրքրվեց՝ մտադի՞ր է կրկին առաջդրվել թաղապետի թեկնածու, ինչին նա պատասխանեց. «Ես առաջադրվելու, չառաջադրվելու որոշում դեռ չեմ կայացրել, բայց եթե որոշեմ թեկնածությունս չդնել, այդ մասին կհայտարարեմ: Իմ՝ երկմտելու մասին լուրերը, հավանաբար իմ հակառակորդներն են տարածում՝ իրենք իրենց դուխ տալու համար: Այս պահին ես ինձ շատ ուժեղ եմ համարում: Բայց հնարավոր է, որ չառաջադրվեմ, ես էլ եմ, չէ՞, մարդ, կարող ա ծրագրեր ունեմ, կարող ա ուզում եմ մի քիչ էլ ինձ համար աշխատել»: Մեր աղբյուրի հաղորդմամբ, այս համայնքում, ի թիվս այլոց, իր թեկնածությունն է պատրաստվում առաջադրել ջրմուղի Կենտրոն համայնքի մասնաճյուղի տնօրեն, նախկինում Կենտրոնի թաղապետարանի կոմունալ տնտեսության բաժնի պետ Միքայել Դավթյանը: Մեր հարցին պարոն Դավթյանն այսպես արձագանքեց. «Դրա մասին խոսելը դեռ վաղ է, դեռ չեմ որոշել, բայց, այնուամենայնիվ, մտածում եմ»: Լ. ԲՈՒԴԱՂՅԱՆ Հ. Գ. Երեկ դպրոցական տարիքի տղաներ բախում էին Արաբկիր համայնքի բնակիչների դռները եւ հարցնում նրանց անուն-ազգանունն ու անձնագրի համարը՝ «թաղապետի ընտրությունների համար»։ Թե ինչպես են հայաստանյան ընտրություններում օգտագործվում այդ տվյալները՝ բոլորը գիտեն։

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հունիս 2005
Երկ Երե Չոր Հնգ Ուրբ Շաբ Կիր
« Մայիս   Հուլ »
 12345
6789101112
13141516171819
20212223242526
27282930