Ամերիկացի գիտնականները, ովքեր զբաղվում են երազների ուսումնասիրությամբ, եկել են շատ հետաքրքիր եզրակացության: Պարզվում է, որ երազներ տեսնում են միայն խելացի մարդիկ: Այսպիսի եզրակացություն կատարվել է ավելի քան 2000 հարցումների արդյունքում:
Ինչպես տեղեկացնում են արտասահմանյան լրատվամիջոցները, հարցվածների մեծամասնությունը կամ երազներ չի տեսնում, կամ չի հիշում դրանք: Միայն այն մարդիկ, ովքեր ինտելեկտուալ թեստերում բարձր արդյունքներ էին գրանցել, կարողացել են վստահորեն նշել, որ իրենք մշտապես տեսնում են երազներ: Եվ, ի դեպ, որքան ինտելեկտուալ բարձր զարգացածություն ունի մարդը, այնքան վառ եւ գունավոր երազներ է տեսնում: Այս բացահայտումներում, իրականում, ոչ մի արտասովոր բան չկա, քանի որ երազները համարվում են տեղեկատվության կանոնակարգումը: Երազում ուղեղը վերլուծում է օրվա ընթացքում հավաքված տեղեկատվությունը եւ գտնում շատ հարցերի պատասխանները: Ուղեղը լուծումներ է տալիս երազում առաջ եկող հարցերին, գտնում է ելք ամենադժվար իրադրություններում եւ այդ ժամանակ աշխատում են ուղեղի բոլոր բաժինները: Եթե մարդն ինտելեկտուալ բարձր զարգացածություն չունի, չի ձգտում լուծում տալ որեւէ խնդրի, նրան ոչինչ չի հետաքրքրում, բացի առօրյա գործերից, ապա նա շատ հազվադեպ է երազներ տեսնում, քանի որ քնած ժամանակ նրա ուղեղը նույնպես քնած է:
