Մայիսի 23-ին Սյունիքի մարզի յոթ գյուղերում՝ Ալվանք, Եղեգ, Լեհվազ, Նռնաձոր, Վարդանիձոր, (Կապանի եւ Մեղրու տարածաշրջաններն ընդգրկող թիվ 38 ընտրատարածք), Նժդեհ (Սոֆլու), Տորոնիք (Գորիսի եւ Սիսիանի տարածաշրջաններն ընդգրկող թիվ 37 ընտրատարածք), կանցկացվեն տեղական ինքնակառավարման մարմինների հերթական ընտրություններ: Ալվանքում եւ Նժդեհում կկայանան միայն համայնքի ղեկավարի, իսկ մյուս գյուղական համայնքներում՝ համայնքի ղեկավարի եւ ավագանու ընտրություններ: Թեկնածուների առաջադրումը նախատեսվում է ապրիլի 23-28-ը:
Իսկ հունիսի 20-ին Գորիսի քաղաքապետի հերթական ընտրությունն է: Նույն օրը ՏԻՄ հերթական ընտրություններ են նշանակված նաեւ մարզի Իշխանասար, Օխտար եւ Աճանան գյուղերում: Գորիսում, Օխտարում եւ Աճանանում կանցկացվեն միայն համայնքի ղեկավարի, իսկ Իշխանասարում՝ համայնքի ղեկավարի եւ ավագանու ընտրություններ:
