Լրահոս
Օրվա լրահոսը

«Հայաստանի օլիմպիական աստղերը»

Ապրիլ 30,2010 00:00

ՄՕԿ-ի «Օլիմպիական համերաշխություն» կազմակերպության «Ժառանգություն» ծրագրի շրջանակներում Հայաստանի ազգային օլիմպիական կոմիտեի նախաձեռնությամբ տպագրվել է պլակատ՝ «Հայաստանի օլիմպիական աստղերը» անվանումով:

Պլակատում ներկայացված են ժամանակակից օլիմպիական խաղերի հայաստանցի 13 չեմպիոնները: Արխիվային այն լուսանկարները, որոնք եղել են սեւ-սպիտակ, համապատասխան մշակումից հետո վերածվել են գունավորի: Բացի չեմպիոնների լուսանկարներից, պլակատում առանձին սյունակով ներկայացված է նաեւ օլիմպիական խաղերի մեր արծաթե եւ բրոնզե մեդալակիրների ցանկը, այդ խաղերի անցկացման տարեթիվը, վայրը, մարզաձեւը, մասնակիցների քանակը, նվաճած մեդալը:

ՀԱՕԿ-ի պաշտոնական կայքը տեղեկացնում է, որ պլակատներն արդեն բաժանվում են մարզերի հանրակրթական դպրոցներին, բուհերին, մարզադպրոցներին, մարզական կազմակերպություններին, քոլեջներին եւ նախադպրոցական հաստատություններին:

ՀԱՕԿ-ի նախագահ Գագիկ Ծառուկյանը համոզված է, որ այդ պլակատները կարեւոր դեր ու նշանակություն են ունենալու աճող սերնդի կյանքում: Նրա խոսքերով, պետք է ճանաչել մեծ ասպարեզներում հաղթանակներ տարած, Հայաստանին փառք ու պատիվ բերած մեր չեմպիոններին եւ մրցանակակիրներին:

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել