Լրահոս
Օրվա լրահոսը

ՀԱԿ ակտիվիստներն իրենց մեղավոր չեն ճանաչել

Հուլիս 31,2010 00:00

Երեկ Կենտրոն եւ Նորք-Մարաշ վարչական շրջանների ընդհանուր իրավասության դատարանում շարունակվել է Հայ ազգային կոնգրեսի ակտիվիստներ Դավիթ Քիրամիջյանի ու Սարգիս Գեւորգյանի գործով դատաքննությունը: ՀԱԿ ակտիվիստները առաջադրված մեղադրանքներում իրենց մեղավոր չեն ճանաչել: «Ա1+»-ի մատուցմամբ, այն բանից հետո, երբ մեղադրող Հարություն Հարությունյանն իր մեղադրական եզրակացության մեջ նշել է, թե ամբաստանվողները մասնակցել են օրենքով սահմանված կարգի խախտումով կազմակերպված հրապարակային զանգվածային միջոցառումներին, Ս. Գեւորգյանը դատավորի հարցին, թե՝ արդյոք հասկանալի՞ է իրեն առաջադրված մեղադրանքը, պատասխանել է. «Ոչ, ինձ համար ընկալելի չէ այն, որ Հայաստանում զանգվածային կամ ոչ զանգվածային միջոցառումներին մասնակցելը քրեորեն պատժելի է: Ես գտնում եմ, որ քրեական հետապնդումն ապօրինի է»:
Երեկվա դատական նիստում դատավոր Մնացական Մարտիրոսյանը մերժել է Դավիթ Քիրամիջյանի պաշտպան Մելանյա Առուստամյանի՝ մեղադրողին ինքնաբացարկ հայտնելու միջնորդությունը: Ըստ պաշտպանի, դատախազը չպետք է հաստատեր մեղադրական եզրակացությունը, պետք է վարույթը կարճեր ու դատարան չուղարկեր: Դատական երեկվա նիստը հետաձգվել է դրա վկաներից 3-ի եւ մեկ տուժողի բացակայության պատճառով:

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հուլիս 2010
Երկ Երե Չոր Հնգ Ուրբ Շաբ Կիր
« Հուն   Օգո »
 1234
567891011
12131415161718
19202122232425
262728293031