Բաթումում ավարտված շախմատի 8-18 տարեկան տղաների եւ աղջիկների Եվրոպայի առաջնությունում Հայաստանի ներկայացուցիչներից երեքը, որոնք հանդես էին գալիս տղաների մրցաշարում, տարբեր տարիքային խմբերում արծաթե մեդալ նվաճեցին: Նրանք են Շանթ Սարգսյանը (8 տարեկաններ)՝ 7,5 միավոր, Կարեն Հ. Գրիգորյանը (16 տարեկաններ)՝ 7,0 եւ Սամվել Տեր-Սահակյանը (18 տարեկաններ)՝ 8,0 միավոր: Վերջին երկուսը ինը տուրում վաստակել էին հաղթողին հավասար միավոր եւ առաջին տեղը զիջեցին միայն լրացուցիչ գործակիցներով:
