BBC-ի փոխանցմամբ, Իսպանիայի հյուսիս-արեւելյան շրջանում՝ Կատալոնիայում տեղի ունեցած խորհրդարանական ընտրություններում իշխող Սոցիալիստական կուսակցությունը ջախջախիչ պարտություն է կրել: Վերլուծաբանները քվեարկության արդյունքները դիտարկում են որպես՝ երկրի վարչապետ Խոսե Լուիս Ռոդրիգես Սապատերոյի կողմից իրականացվող տնտեսական կոշտ քաղաքականության պատասխան:
Ընտրություններում հաղթանակ է տարել «Կոնվերգենցիա եւ Կատալոնիայի միություն» ազգայնական կուսակցությունը, որը Կատալոնիայի համար Մադրիդից ավելի մեծ անկախություն է պահանջում: Կատալոնիայի նոր խորհրդարանի կազմում ընտրվել է նաեւ «Բարսելոնա» ֆուտբոլային ակումբի նախկին նախագահ Ժոան Լապորտան, որը ներկայացնում է Կատալոնիայի անկախությունը պահանջող փոքրաթիվ կուսակցություններից մեկը:
