![\"\"](\"https://www.aravot.am/2011/aravot_arm/February/26/p17.jpg\")
ՖԻԴԵ-ի կանանց «Grand Prix»-ի խաղարկության եզրափակիչ՝ վեցերորդ մրցաշարում գրոսմայստեր Էլինա Դանիելյանը շարունակում է հաղթարշավը: Երրորդ տուրում Հայաստանի լավագույն շախմատիստուհուն անձնատուր եղավ Մոնղոլիայի ներկայացուցիչ Բաթույագ Մոնգոնտուլը: Այսպիսով, Էլինան հարյուր տոկոսանոց արդյունքով ստանձնեց մրցաշարի միանձնյա առաջատարի դերը:
Մեր հանրապետության երկրորդ ներկայացուցիչը՝ գրոսմայստեր Լիլիթ Մկրտչյանը, նույն օրը սեւ խաղաքարերով ոչ-ոքի արեց Մարի Սեբագի (Ֆրանսիա) հետ եւ 1,0 միավորով առայժմ եզրափակում է մրցաշարային աղյուսակը:
Երեկ կայացած չորրորդ տուրում Էլինա Դանիելյանը խաղում էր Նանա Ձագնիձեի հետ: Ի դեպ, վրացուհին համարվում է «Grand Prix»-ի խաղարկության ընդհանուր արդյունքով աշխարհի չեմպիոն, չինացի Հու Յիֆանի հետ թագի համար պայքարելու ամենահավանական թեկնածուն: Իսկ Լիլիթ Մկրտչյանի մրցակիցը լինելու էր նույնպես Վրաստանի ներկայացուցիչ Մայա Չիբուրդանիձեն:
