Օրերս Արամ Խաչատրյանի տուն-թանգարանում տեղի է ունեցել վոկալ երաժշտության համերգ՝ նվիրված պրոֆեսոր, ՀՀ ժողովրդական արտիստ եւ Երեւանի կոնսերվատորիայի դասախոս Սերգեյ Դանիելյանի հիշատակին: Համերգը կազմակերպել էին Երեւանի պետական կոնսերվատորիայի դասախոս Վարսենիկ Ավանյանը, կոնցերտմայստեր Նաիրա Ստեփանյանը, ուսանողներ Ալվինա Այվազյանը (3-րդ կուրս), Ռուզան Մատինյանը (3-րդ կուրս), Շարո Մամոյանը (4-րդ կուրս), Արմեն Արմենակյանը (ասպիրանտ, 2-րդ կուրս), Արսեն Բաբաջանյանը (շրջանավարտ): Համերգի ընթացքում հնչեցին Մոցարտի, Վերդիի, Կոմիտասի, Տիգրանյանի, Աճեմյանի, Ավետիսյանի, Շուբերտի, Չայկովսկու եւ այլ կոմպոզիտորների ստեղծագործություններ:
Մի քանի ամիսների տքնաջան աշխատանքի արդյունքում կայացավ մի միջոցառում, որն անմիջական կապ ստեղծեց հանդիսատեսի եւ մասնակիցների միջեւ:
