Քո գործում մի եղիր անփոխարինելի, պաշտոնդ երբեք չի բարձրանա:
Ավաղ, վերջին տարիներին մեր շրջապատում հանդիպում ենք երիտասարդների, որոնք ունեն համակարգչային ուղեղներ եւ սինթետիկ սրտանոթային համակարգ:
Հիմնարկի պետը մի մարդ է, որը միշտ աշխատանքի է գալիս ավելի ուշ, երբ դու շուտ ես եկել եւ հայտնվում է աշխատավայրում առավոտ վաղ, երբ դու այդ օրը ուշացել ես գործից:
Ձեզ օգնություն առաջարկած ձեր ղեկավարի բարի խոսքերը պետք է միշտ բաժանել երկուսի, իսկ մյուս բոլոր խոստումները եւ դրանց կատարման ժամկետները պետք է բազմապատկել երկուսով:
Գիտական կոչումներ ստանալու էությունն այն է, որ կարողանաս գտնել եւ կարդալ քեզնից առաջ ոչ մեկի կողմից չընթերցված երկու գիրք: Հաջողությամբ արտագրելով՝ դու կարող ես գրել մի նոր գրքույկ, որը երբեք ոչ ոք չի կարդալու՝ քեզնից բացի:
