Թուրքիայի հարավում գտնվող միջերկրածովյան Մերսին նավահանգստում, ոստիկանության բաժնից քիչ հեռու տեղի է ունեցել պայթյուն, որի հետեւանքով երկու մարդ է վիրավորվել: ԼՁԸՀ-ՁԸհհ-ի մատուցմամբ, հիշյալ նավահանգիստը վերջին շրջանում հաճախ է դառնում 25 տարիների ընթացքում երկրի հարավ-արեւելքում ինքնավարություն պահանջող քուրդ անջատողականների կողմնակիցների գործողությունների նշանակման վայր: Թուրքական ոստիկանությունը սկսել է միջադեպի առնչությամբ հետաքննություն իրականացնել: Նախաքննական մարմինը չի բացառում, որ ինքնաշեն ռումբը պայթել է ահաբեկիչների կողմից նախատեսված ժամկետից շուտ: Իրավապահ մարմինների կարծիքով, պայթյունի ժամանակ կարող էին տուժել հենց ահաբեկչության հեղինակները: Վերջին անգամ Թուրքիայում տեղի ունեցած ահաբեկչության մասին լրատվական գործակալությունները տեղեկացրել էին մեկ էլ անցած տարվա աշնանը: Հոկտեմբերին մահապարտի կողմից Ստամբուլում, ոստիկանության պահակակետի մոտ իրականացրած պայթյունի արդյունքում վիրավորվել էր 15 մարդ:
