![\"\"](\"https://www.aravot.am/2011/aravot_arm/April/21/p17.jpg\")
«Առավոտի» տեղեկություններով, առաջիկայում Երեւանի թատրոնի եւ կինոյի ինստիտուտի տարածքի որոշակի հատված վարձակալությամբ կտրվի «Ջազվե» ցանցին: Թատերական ինստիտուտի ռեկտորի պաշտոնակատար Արմեն Մազմանյանը ապրիլի 27-ին ռեկտոր կօծվի: Թատերականի մեր աղբյուրը հայտնեց, որ անշարժ գույքի առքուվաճառքի մեծ փորձ ունեցող, որ պրն Մազմանյանը բուհում հայտարարել է, թե առաջիկայում լավ է լինելու բուհի համար, որովհետեւ «Ջազվեին» տրվող տարածքից գումար է մտնելու կրթօջախի բյուջե:
Հեռախոսով կապվեցինք Ա. Մազմանյանի հետ: Սկզբում նա պատճառաբանեց զբաղվածությունը՝ պետական քննության էր: Քիչ անց զանգեց ու ինստիտուտի տարածքում «Ջազվեի» տեղակայվելու «մասով» ասաց. «Նո՛ քոմենթ, ինչ որ կլինի՝ կլինի»: Ապա հավելեց. «Լավ էլ տեղեկացված եք: Էն որ էդ տարածքում գրված էր պարսկական բար, չէիք տեսնում, չէ՞: Այնպես որ, թե ինչ կլինի՝ կտեսնեք»:
