Լրահոս
Օրվա լրահոսը

«ԽԱՌՆՎՈՒԿ ԷԿԱՆ, ԽԱԲԻՆ, ՓԱԽԱՆ»

Ապրիլ 26,2011 00:00

Գեղարքունիքի մարզկենտրոն Գավառը թերեւս ամենաղքատ քաղաքներից է: ԽՍՀՄ փլուզումից հետո տեղի գործարաններն անմիջապես սեփականաշնորհվել են, այնուհետեւ՝ մաս-մաս արվել ու վաճառվել, գավառցին՝ քյավառցին այսօր հեռանում է քաղաքից: Ռուսաստանում եւ Ուկրաինայում կան գյուղեր, որոնք ամբողջովին բնակեցված են գավառցիներով: Իսկ Գավառի կենտրոնում հազիվ 100 մետր քայլելուց հետո հասկանում ես, թե որոնք են արտագաղթ ծնող պատճառները: Լուսանկարում պատկերված անմխիթար ու ավերակ վիճակում են ոչ միայն քաղաքի կենտրոնական փողոցները, այլեւ կենտրոնը ծայրամասերին կապող ճանապարհներն ու, օրինակ, տաքսիները Արծվաքար չեն տանում՝ «ընդե ճամփա չկա, որ տանեմ, իմա՞լ ետ պիտի գամ» կուռ տրամաբանության համաձայն:
Արծվաքարցիները չեն հիշում, թե վերջին անգամ երբ է պետական որեւէ այր իրենցով հետաքրքրվել, բայց պատմում էին, որ «էսա մե քանի շաբաթ հառեջ էկան, բայց գիդո՞ւմ ես՝ ինչի, վարչապետը էս կողմերով էր անցնում, գեղացիք հելան, որ տրասը փակեն, խառնվուկ էկան, որ գործ չունեք, մենք մեր հարցերը կլուծենք, խաբին, թե ճամփեն կսարքեն ու հելան փախան»:
Արծվաքարցիները ցանկանում են գալ Երեւան՝ կառավարության շենքի առջեւ բողոքելու:

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Ամենաընթերցված

Օրացույց
Ապրիլ 2011
Երկ Երե Չոր Հնգ Ուրբ Շաբ Կիր
« Մար   Մայիս »
 123
45678910
11121314151617
18192021222324
252627282930