ՀՀ ԿԳ նախարար Արմեն Աշոտյանն ապրիլի 23-24-ը գտնվել է Ավստրիայում, որտեղ հանդիպումներ է ունեցել Վիեննայում սովորող հայ ուսանողների հետ: Ըստ ԿԳՆ կայքի, նախարարն Ավստրիայի հայ համայնքի հետ մասնակցել է Քրիստոսի Հարության՝ Սուրբ Զատիկի արարողություններին եւ Հայոց մեծ եղեռնի 96-րդ տարելիցին նվիրված միջոցառումներին: Նա նաեւ Վիեննայում սովորող հայ ուսանողների հետ միասին մասնակցել է Վիեննայի Սուրբ Ստեֆանի տաճարի մոտ կազմակերպված Հայոց մեծ եղեռնի 96-րդ տարելիցին նվիրված բողոքի ցույցին:
