Երեկ Հայաստանի ազգային գրադարանում տեղի ունեցավ ՀՀ հանրային ռադիոյի արտասահմանի համար տրվող հաղորդումների պարսկերեն բաժնի ավագ խմբագիր Տիգրան Դավթյանի հայերեն-պարսկերեն բառարանի շնորհանդեսը: Գիրքը պարունակում է ժամանակակից հայերենի շուրջ 20000 բառ եւ արտահայտություն: Այն հանդիսանում է Հայաստանում հրատարակված հայերեն-պարսկերեն առաջին բառարանը:
Շնորհանդեսին ներկա էին Իրանի դեսպանատան մշակութային գծով խորհրդականը, պարսկերենի դասախոսներ եւ այլք:
Բառարանի հեղինակը գտնում է, որ դրա պահանջարկը հատկապես վերջին շրջանում ավելի շատ է զգացվում: Առաջիկայում նախատեսվում է նաեւ պարսկերեն-հայերեն բառարան, իսկ այժմ կա նաեւ հայերեն-պարսկերեն բառարանի համացանցային տարբերակը՝ dictionaryarmenian.com:
