inLOBBY գերմանական ընկերությունը համաշխարհային հանրության ուշադրությանն է ներկայացնում առցանց հյուրանոցային պատվերների ամրագրման գլոբալ համակարգ (https://www.inLOBBY.com), որը նոր խոսք է նմանատիպ ծառայությունների ոլորտում:
Նախագծի հեղինակների նպատակն է դարձնել օնլայն հյուրանոցային պատվերների ամրագրումը նորարարական եւ ավելի հարմարավետ: inLOBBY-ն հնարավորություն է տալիս այցելուներին անմիջական կապ հաստատել հազարավոր հյուրանոցների հետ էլեկտրոնային փոստի, օնլայն շփման, հեռախոսազանգի եւ նույնիսկ տեսազանգի միջոցով եւ ստանալ հետաքրքրող հարցերի սպառիչ պատասխաններ անմիջապես հյուրանոցի ներկայացուցչից: Եվ արդեն այսօր համակարգի հյուրանոցային բազան համալրված է ավելի քան 120.000 հյուրանոցներով՝ աշխարհի տարբեր երկրներից: Ընկերությունը վստահ է, որ այս համակարգը մեծ հետաքրքրություն կառաջացնի աշխարհասփյուռ հայերի համար՝ նպաստելով նրանց անհատական եւ գործնական ծրագրերին: inLOBBY-ին միտված է ամուր դիրքեր գրավել հյուրանոցային պատվերների համաշխարհային շուկայում՝ շարունակելով ընդլայնել ծառայությունների ցանկը, որոնց թվում կլինեն առցանց ավիատոմսերի ձեռք բերման հնարավորություններ, ճանապարհորդական ամբողջական փաթեթների առաջարկ հաճախորդներին: Խոշոր ֆինանսական ներդրումներ պահանջող այս նախագիծը կայացել է ՏՏ ոլորտի, բանկային, մարկետինգային կառույցների եւ առցանց հյուրանոցային սեկտորի լավագույն մասնագետների, ինչպես նաեւ Եվրոպայում, Ասիայում, հետխորհրդային պետություններում, Մերձավոր Արեւելքում, Հարավային Ամերիկայում, Միացյալ Նահանգներում ընկերության ներկայացուցիչների համարձակ եւ արդյունավետ աշխատանքների շնորհիվ:
inLOBBY ընկերությունը ցանկանում է ընդգծել, որ համակարգի ստեղծման եւ կայացման գործում կարեւորագույն դեր է ունեցել ՀՀ ԱԺ նախկին պատգամավոր Խաչատուր Սուքիասյանը, ով հանդիսանում է նախագծի գաղափարակիրն ու գիտական ղեկավարը, ինչպես նաեւ ընկերության խոշոր բաժնետերը:
