Լրահոս
Օրվա լրահոսը

«Բլոգերի բանիմացությունը` շատ հնարավորություններ կարող է տալ հենց իրեն». Բլոգեր Արգամ Ուստյան

Փետրվար 08,2012 15:45

Նախորդ տարի մարտ ամսին էր, երբ զուտ բարեգործական նպատակներով Արգամ Ուստյանը բացեց argam92.blogspot.com բլոգը: Պարզվում է, Դիլիջանում ապրում է Վաչե անունով մի տաղանադավոր երիտասարդ, ով հովանավորի կարիք է ունեցել: Բլոգում նրա մասին մի գեղեցիկ նյութ գրելով էլ, բլոգերը փորձել է օգնել: Նույնիսկ սոցիալական ցանցերում է քննարկվել այն: Վաչեին օգնեցին, Արգամն էլ ազատ ժամանակը սկսեց տրամադրել բլոգի զարգացմանը: Այնտեղ գրվում է ամեն ինչի մասին՝ մշակույթից մինչև բժշկական նորություններ ու շոուբիզնեսի սկանդալային նորություններ:

Ամեն ինչ` կապված բլոգոսֆերայի հետ, սովորել է ինքնուրույն: Բնավորության գծից է. սիրում է ամեն ինչ ինքն իրեն սովորել:

Վերջերս փոխելով բլոգի դիզայնը՝ վերահաստատվել է նոր` argamblog.com դոմենային տիրույթում: Ասում է, որ կան մարդիկ, ովքեր թե’ բլոգի դիզայնը, թե’ գրառումերը, շատ են հավանում:
Այն մտքին, որ բլոգը ժամանակի անիմաստ կորուստ է, Արգամը համաձայն չէ: Ըստ նրա` բլոգերի բանիմացությունը` շատ հնարավորություններ կարող է տալ հենց իրեն:

«Կան մարդիկ, ովքեր կայքեր են բացում զուտ գումար վաստակելու համար: Ասեմ, որ դրա համար բավականին մեծ ջանքեր են պահանջվում: Կոնկրետ ես` միշտ գրել եմ հաճույքի համար: Երբեք առաջնային նպատակ չեմ ունեցել բլոգի շնորհիվ գումար աշխատել»,- բլոգերն է ասում:

Մասնագիտությամբ մեխանիկը, բլոգերությանն ու սովորելուն զուգահեռ, աշխատում է նաև  հեռուստառադիոհաղորդավար: Ի դեպ` բլոգի հիման վրա բացված հաղորդումով է ռադիոունկնդիրներին ծանոթացնում բլոգի ամենաաղմկահարույց և բումային նորություններին: Այն կոչվում է` «Արգամ Ուստյանի բլոգը ներկայացնում է»:

 

 

Արամ Արարատյան

 

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Փետրվար 2012
Երկ Երե Չոր Հնգ Ուրբ Շաբ Կիր
« Հուն   Մար »
 12345
6789101112
13141516171819
20212223242526
272829