Սիրողական բռնցքամարտով զբաղվելը կարող է հանգեցնել գլխուղեղի վնասվածքների, թեկուզ բռնցքամարտիկը նոկաուտի չի ենթարկվել եւ գլուխն էլ պաշտպանված է պաշտպանիչ սաղավարտով: Այսպիսի եզրակացության հանգել են շվեդ գիտնականները: «Մեր հետազոտությունները ցույց են տվել, որ մարտից հետո բռնցքամարտիկի ուղեղում բարձրանում է չորս տիպի պրոտեինների կուտակումը, որը ուղեղի նյարդաբջիջների վնասվածության հետեւանք է: Դրանցից երկուսի առկայությունը մնում է բարձր նույնիսկ, այսպես կոչված, հանգստի շրջանից հետո», – հայտարարել է գիտնականների խմբի ղեկավար Սանն Նեսելիուսը, որն ինքն է ժամանակին զբաղվել բռնցքամարտով:
Բժիշկ գիտնականները հետազոտել են 30 բռնցքամարտիկների, որոնք մասնակցել են 47 մենամարտի եւ նոկաուտի չեն ենթարկվել: Նրանց 80%-ի մոտ ուղեղի վնասվածքը պահպանվել է մարտից մեկ շաբաթ անց, իսկ 20%-ինը՝ նաեւ վերականգնողական շրջանից հետո:
Աշոտ ՀԱԿՈԲՅԱՆ
