Այսօր՝ ապրիլի 4-ին, արտակարգ դեպք է տեղի ունեցել Երևանում:
Ինչպես դեպքի վայրից Aravot.am-ին հայտնում է ֆոտոլրագրող Գագիկ Շամշյանը, ժամը 22.50-ի սահմաններում անհայտ քաղաքացին ահազանգել է ոստիկանության Նոր Նորքի բաժին և հայտնել, որ Նոր Նորք վարչական շրջանի Գայի պողոտայի սկզբնամասին հարակից Ֆիդայինների այգում կա մահացած անձ:
Այս պահին դեպքի վայր է ժամանել ոստիկանության Նոր Նորքի բաժնի օպերատիվ խումբը՝ Նոր Նորքի ոստիկանության պետ Արմեն Վաթյանի գլխավորությամբ:Տեղում է նաև ոստիկանության քննչական գլխավոր վարչության Երևանի քննչական վարչության Նոր Նորքի քննչական բաժնի խումբը՝ քննիչ Կամո Կիրակոսյանի գլխավորությամբ:
Դեպքի վայր ժամանած դատաբժշկի նախնական եզրակացությամբ, դիակի վրա բռնության հետքեր չկան: Քննիչի հանձնարարականով, ձեռնարկվում են միջոցառումներ՝ պարզելու մահացածի ինքնությունը:
Կարդացեք նաև
Նշանակվել են մի շարք փորձաքննություններ, այդ թվում՝ դատաբժշկական:
Լուսանկարները՝ Գագիկ ՇԱՄՇՅԱՆԻ