Հայաստանի ռազմավարական կշիռը գնալով մեծանում է: Քաղաքագետ Ռիչարդ Կիրակոսյանն այս եզրահանգմանն է եկել օրերս Ռուսաստանի ԱԳ նախարար Սերգեյ Լավրովի հայաստանյան այցից հետո։
Քաղաքագետի խոսքերով, Ռուսաստանին մտորելու տեղիք է տալիս Հայաստանի ռազմաքաղաքական ակտիվությունն Արեւմուտքի հետ հարաբերություններում։ Նա վստահ է, որ այս ամիս նախատեսված Հայաստանի ու ԱՄՆ-ի միասնական զորավարժությունները չեն վրիպի Կրեմլի ուշադրությունից։
«Ինչքան Հայաստանն ակտիվ լինի Արեւմուտքում, այնքան նա ավելի շատ բան կարող է ակնկալել Արեւելքից։ Ռուսաստանը նման է Թուրքիային։ Նա հարգում է Հայաստանին այն ժամանակ, երբ Հայաստանն ուժեղ է»,-ասաց նա։
Ռիչարդ Կիրակոսյանը վստահ է, որ պուտինյան Ռուսաստանը կփորձի ճնշումներ բանեցնել Հայաստանի վրա Լեռնային Ղարաբաղի հարցում. «Լեռնային Ղարաբաղի հարցում Պուտինի փորձերը, բարեբախտաբար, հաջողությամբ չեն պսակվի, որովհետեւ Ռուսաստանի նոր նախագահը լարված հարաբերություններ ունի Հայաստանի ղեկավարության հետ»։
Կարդացեք նաև
Մանրամասն՝ կարդացեք այստեղ
