Լրահոս
Օրվա լրահոսը

Վարդենիսցի. «Որ մեկը փող տվեց՝ նրան կընտրենք» (Տեսանյութ)

Ապրիլ 23,2012 23:26

Այսօր Վարդենիսում ՀԱԿ-ի քարոզարշավին եկած բնակիչներն Aravot.am-ի հետ զրույցում մեր հարցին՝ ո՞ւմ եք պատրաստվում ընտրել՝ պատասխանեցին՝ «Որ մեկը փող տվեց՝ նրան կընտրենք»: Մենք հետաքրքրվեցինք՝ իսկ ինչքա՞ն փող եք ակնկալում՝ փողով ընտրող բնակիչը պատասխանեց. «փողը զարաֆաթ է: Մեկա նրանք ընտրված-պրծած են, ում կուզես՝ ընտրա»:

Վարդենիսցիներից մեկը՝ Պիպոյան Վալոդը կամ դեռ չէր կողմնորոշվել, կամ վախենում էր հստակ ասել, որ ՀԱԿ-ին է ընտրելու: Նա մե՛կ ասում էր, որ Կոնգրեսին է ընտրելու, մեկ ասում էր, որ գոհ է ներկայիս իշխանություններից: Այնուամենայնիվ, նա խոստովանեց, որ տեղի իշխանությունների կողմից ճնշումներ կան, որ անպայման ընտրեն Հանրապետականին: Այցելում են իրենց տներն ու պարտադրում:

ՀԱԿ-ի հանրահավաքին էր եկել նաեւ ազատամարտիկ, ԵԿՄ անդամ Վարուժան Շաբոյանը: Մեր հարցին՝ Մանվել Գրիգորյանն ասել է, որ երկրապահները սատարում են Հանրապետականին ու Սերժ Սարգսյանին՝ Վարուժանն ասաց, որ դա իրեն չի վերաբերում, ինքը ընտրելու է ՀԱԿ-ին: Ավելին՝ երկրապահը անկեղծորեն խոստովանեց. «Սերժ Սարգսյանից զզվում եմ: Ղուրբան այս կուսակցության, անպայման ընտրելու եմ ՀԱԿ-ին՝ ընտանիքով, հարազատներով»:

Հռիփսիմե ՋԵԲԵՋՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Ամենաընթերցված

Օրացույց
Ապրիլ 2012
Երկ Երե Չոր Հնգ Ուրբ Շաբ Կիր
« Մար   Մայիս »
 1
2345678
9101112131415
16171819202122
23242526272829
30