Իշխանության գալու դեպքում ՀԱԿ-ը խոստանում է նվազագույն աշխատավարձը 80.000 դրամի, իսկ նվազագույն թոշակը ՝40.000 դրամի հասցնել: ՀԱԿ ներկայացուցիչ Մովսես Արիստակեսյանի խոսքերով, արդեն 4 տարի է՝ չի բարձրանում նաեւ քաղծառայողների աշխատավարձը. «Այն դեպքում, երբ գները աճել են 40 տոկոսով, հենց այստեղ է ստեղծվում կոռուպցիան, քաղծառայողները իրենց ոչ թե աշխատավարձով, այլ աղքատավարձով դիմում են կոռուպցիայի» :
Պարոն Արիստակեսյանի համոզմամբ, իրականությանը չեն համապատասխանում կառավարության անցկացրած մոնիտորինգի արդյունքները հակակոռուպցիոն ծրագրերի առումով: Նա կառավարության հակակոռուպցիոն ծրագիրը համարեց թղթի վրա գրված լոլո ու բացատրեց իրականությունը կեղծ ներկայացնելու երեք տեսակի սուտ մեթոդները .«Լինում են սովորական, ահավոր ու վիճակագրական ստեր, այս վարչապետը կառավարման բոլոր օղակներով ու վիճակագրությամբ շարունակում է ստել»:
Արփինե ՍԻՄՈՆՅԱՆ
Կարդացեք նաև
