ՀՌԱՀ –ն ընդունո՞ւմ է Մարդու իրավունքների պաշտպանի քննադատությունը, թե օրենքով նախատեսված հակամենաշնորհային երաշխիքների ապահովման առումով հանձնաժողովը դրսեւորել է անգործություն, չի իրականացրել վերահսկողական գործառույթներ, որ կանխի հեռարձակման շուկայի մենաշնորհացումը:
«Անհասկանալի մեղադրանք է: Կարծում եմ՝ որեւէ պաշոտնական գրության էթիկան պահանջող փաստական հիմք պետք է ունենար՝ ինչ է եւ ինչպես… Հակամենաշնորհային ասելով՝ ի՞նչ նկատի ունեն: Ընդհանուր հայտարարություններին դժվար է պատասխանել»,- Aravot. am-ի հետ զրույցում ասաց ՀՌԱՀ նախագահ Գրիգոր Ամալյանը:
Նա համաձայն չէ ՄԻՊ-ի գնահատականներին, թե հանձնաժողովն անգործությամբ է զբաղվել կամ աշխատել անբավարար : Պարոն Ամալյանի կարծիքով, Օմբուդսմենի վերհանած շատ խնդիրներն իրենց լուծման իրավասության տակ չեն եղել. «Խնդիրներ կան, որ ընդհանրապես մեր կարգավորման դաշտում չեն: Կարծում եմ՝ հաջորդ զեկույցներում օմբուդսմենի աշխատակազմը առավել ուշադիր պետք է լինի, որ հանձնաժողովի աշխատանքը գնահատելիս ՝ գնահատի հանձնաժողովի գործողություններն իր իրավասության շրջանակներում: Նման տրամաբանությամբ հանձնաժողովի աշխատանքը կարող էին գնահատել հարեւան երկրներում հեռուստատեսության լավ կամ վատ լինելու համար »:
Պարոն Ամալյանից հետաքրքրվեցինք՝ ինչո՞ւ են անընդհատ խոսում այն մասին, որ հանձնաժողովը անգործությամբ է զբաղված, հանձնաժողովի նկատմամբ վստահության պակա՞ս կա. «Հայաստանում բազմաթիվ անգործ մարդիկ կան, որոնք զբաղված են այլոց անգործության մեջ մեղադրելով»:
Կարդացեք նաև
Արփինե ՍԻՄՈՆՅԱՆ
