Քաղաքագետ Լեւոն Շիրինյանի համոզմամբ, առաջիկա ՏԻՄ ընտրություններում աշխատելու է կլանի սկզբունքը: «Մեզնից լինի, ով ուզում է լինի, սա կլանային համակարգի տրամաբանությունն է, տեղական ինքնակառավարման մարմինների ընտրություններում շատ կաշխատի»,- մեզ հետ զրույցում ասաց քաղաքագետը:
Նա այն կարծիքին է, որ Հայաստանում ընտրական համակարգը պետք է վերանայել, իսկ ընտրությունների պրակտիկան սահմանափակել. «Ինչ է, ամբողջ ժողովուրդը զբաղված է ընտրություններով ու իրար տակ փորելով: Բաժանված են. .. մի գյուղ մտեք, կտեսնեք՝ ով են գյուղապետի թիմակիցները, հակառակորդները»:
Լեւոն Շիրինյանի խոսքերով, ինչպես համայնքային ընտրություններին է բարեկամը բարեկամին ձայն տալիս, այդպես էլ ձեւավորվում է պետական ապարատը. «Լեւոն Տեր-Պետրոսյանի քաղաքական կյանքի տարիներին շատ ակտիվ եմ եղել քաղաքական կյանքով: Այն ժամանակ իրեն շատ բավարարում էր ու օժանդակում էր, հիմա չի բավարարում, որովհետեւ իշխանություն չէ, վերադարձավ նույնն է անելու: Խոսք կար, չէ՞, ով լինի, ՀՀՇ-ից լինի՝ պոլի փետ լինի , հիմա էլ նույնը Հանրապետականներն են, այս նույն սկզբունքն է »: Քաղաքագետն առաջարկում է .«Ինձ, որ մնա, մի նախագահ կընտրեի , կվերջացնեի, ես գալիս եմ սահմանադրական միապետության գաղափարին»:Shirinyan
Արփինե ՍԻՄՈՆՅԱՆ
