Ադրբեջանցի սպա Ռամիլ Սաֆարովը, որը Հունգարիայում ցմահ ազատազրկման էր դատապարտվել հայ սպա Գուրգեն Մարգարյանին ՆԱՏՕ-ի կուրսերի ժամանակ կացնով սպանելու համար, սակայն վերջերս տարհանձնվել էր Ադրբեջանին և ներում ստացել Իլհամ Ալիևի կողմից, ռուսական Россия 1 հեռուստաալիքի Вести недели հաղորդման ընթացքում պատմել է սպանության դրդապատճառների մասին, հաղորդում է «Ռեգնում» գործակալությունը:
Սաֆարովի լուսանկարի ֆոնին, Россия 1-ը մեջբերել է . «Ինձ բանակը ուղարկել էր կուրսերի, մեզ հետ նաև 2 հայ կար: Սկզբում բարևում էին, ասում էին «hi», ես չէի պատասխանում իրենց: Մի անգամ նրանք միասին էին քայլում, հայերեն «քչփչում էին» և ժպտացին դեմքիս: Այդ պահին ես որոշեցի նրանց սպանել` գլուխները կտրել»:
Tert.am-ը հիշեցնում է, որ Մարգարյանին սպանելուց հետո, Սաֆարովը գնացել էր նախօրոք գնված կացնով նաև երկրորդ հայ սպային սպանելու: Սակայն հանցագործին հնարավոր եղավ կանգնեցնել: Երկրորդ հայ սպային փրկեց նրա հետ նույն սենյակում բնակվող լիտվացի սպան, ով աղմուկ բարձրացնելով հանել էր գործընկերներին:
