Այսօր Ստոկհոլմում Հունգարիայի դեսպանատան առաջ բողոքի ակցիա էին կազմակերպել շվեդահայ համայնքի ներկայացուցիչները: Ակցիայի մասնակիցները իրենց բողոքն էին արտահայտում Ռամիլ Սաֆարովի արտահանձման և հերոսացման դեմ:
Շվեդական ոստիկանությունը դեսպանատան մասնակիցներին թույատրել էր ակցիան իրականացնել դեսպանատան շենքից քիչ հեռու` դիմացի մայթին:Բողոք-նամակը դեսպանատուն փոխանցելու համար թույլատրել էին ընդամենը երեք հոգու:
«Ամոթ Հունգարիային», «Չաջակցել մարդասպանին» վանկարկություններն, ինչպես նաև հայկական դուդուկի ձայնը հասանելի էին ոչ միայն Հունգարիայի, այլև մոտակայքում տեղակայված մյուս բոլոր դեսպանատների աշխատակիցներին:
Ի դեպ, Շվեդիայում Հունգարիայի դեսպանատունը գտնվում է Թուրքիայի դեսպանատան կողքին:
Կարդացեք նաև
Շվեդահայերի բողոքի նամակն ընդունեց Հունգարիայի փոխդեսպանը, որը խնդրել էր հայ ժողովրդին փոխանցել, որ հայերին իրենց բարեկամն են համարում, շատ սիրում են և կիսում են նրանց ցավը:
Միջոցառման մասնակիցները հունգարական դեսպանատանը նամակի հետ միասին հանձնեցին նաև Ղարաբաղյան պատերազմը ներկայացնող երկու շվեդերեն գիրք:
Լուսինե ՕՀԱՆՅԱՆ
Ստոկհոլմ
