«Այսօր կայացած քաղխորհրդի նիստի մասին որեւէ մեկնաբանություն չի հնչելու ոչ որեւէ պատգամավորի, ոչ էլ քաղխորհրդի որեւէ անդամի կողմից»,- Aravot.am-ի հետ զրույցում ասաց ԲՀԿ խորհրդարանական խմբակցության քարտուղար Նաիրա Զոհրաբյանը:
Հիշեցնենք, որ ԲՀԿ-ն այսօր քաղխորհրդի նիստ էր գումարում: Վերջին շրջանում կուսակցության ղեկավարը բացակայում էր Հայաստանից: Երեկ նա վերադարձել է:
էլեկտրոնային տարբեր կայքերում արդեն իսկ տարբեր մեկնաբանություններ կան, որ քննարկվել է 2013 թվականի նախագահական ընտրությունների հարցը, Ծառուկյանն իր կուսակիցներին կոչ է արել պատրաստվել պայքարի, ելույթներ են հնչել, որ արդեն իսկ ժամանակն է բանակցություններ վարել ընդդիմադիր կուսակցությունների հետ`ուժերը կոնսոլիդացնելու համար: Aravot.am-ի հարցին ի պատասխան` ճշմարտության հատիկ կա՞ այս հրապարակումներում, տիկին Զոհրաբյանը կրկնեց. «Զրո քոմենթ»:
Իսկ ԲՀԿ մամուլի խոսնակ Տիգրան Ուրիխանյանն ասաց, որ զուտ աշխատանքային քննարկումներ են եղել եւ որեւէ արտառոց բան տեղի չի ունեցել:
Կարդացեք նաև
Նելլի ԳՐԻԳՈՐՅԱՆ
