Լրահոս
Օրվա լրահոսը

«Թեժ գծին» ստացվել է 12 բողոք՝ մանկապարտեզների մասին

Դեկտեմբեր 26,2012 14:01

Երեւանի քաղաքապետարանի աշխատակազմի կրթության  վարչության պետ Գայանե Սողոմոնյանն այսօր կայացած ասուլիսում հայտնեց, որ 2011-ի մարտին քաղաքապետ Տարոն Մարգարյանի որոշումից հետո, որի համաձայն նախադպրոցական հաստատություններ հաճախելը երեւանյան գրանցում ունեցողների համար անվճար է, մանկապարտեզի սաների թիվը հասել է 31500: Տիկին Սողոմոնյանը չթաքցրեց, որ կան բազմաթիվ հերթագրվածներ, որոնք կտեղավորվեն տեղերն ազատվելուց անմիջապես հետո: Վարչության պետի ասելով, նախադպրոցական հաստատությունների սննդի վերահսկողությունն ավելի է ուժեղացվել, ինչի արդյունքում այս տարի ավելի լավ պատկեր ունեն: Մշտապես իրականացվող ուսումնասիրությունների արդյունքում, կարգապահական տույժեր են ստացել մանկապարտեզների որոշ տնօրեններ, այդ թվում՝ 6-ը ազատվել է աշխատանքից, 8-ին հայտարարվել խիստ նկատողություն:  Ի դեպ, գործող «թեժ գծին» ստացվել է մանկապարտեզների  վերաբերյալ  12 բողոք, որոնք բոլորն էլ, պետի հավաստմամբ, բավարարվել  են:

Գայանե Սողոմոնյանը նշեց, որ  նախադպրոցական հաստատություններում եւս պայմաններ են ստեղծվում կրթության հատուկ կարիք ունեցող երեխաների համար: Նա ափսոսում է, որ 90-ականներին մանկապարտեզների տարածքներ են վաճառվել, իսկ ներկայումս քաղաքապետի հանձնարարականով ուսումնասիրվում է բոլոր մանկապարտեզների՝ վարձակալությամբ տրված տարածքները ազատելու հարցը:

Գոհար ՀԱԿՈԲՅԱՆ

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Դեկտեմբեր 2012
Երկ Երե Չոր Հնգ Ուրբ Շաբ Կիր
« Նոյ   Հուն »
 12
3456789
10111213141516
17181920212223
24252627282930
31