Շախմատի միջազգային ֆեդերացիան հրապարակեց շախմատիստների 2013 թվականի վարկանիշային դասակարգման առաջին ցուցակը՝ հունվարի 1-ի դրությամբ: Այն գլխավորում է նորվեգացի Մագնուս Կարլսենը: Առաջատարների եռյակում են, հաջորդաբար, Վլադիմիր Կրամնիկը (Ռուսաստան) եւ Հայաստանի լավագույն շախմատիստ, համաշխարհային օլիմպիադայի եռակի հաղթող եւ աշխարհի թիմային չեմպիոն Լեւոն Արոնյանը: Ըստ հերթականության տասնյակում են նաեւ Թեյմուր Ռաջաբովը, Ֆաբիանո Կարուանան, Սերգեյ Կարյակինը, Վիշվանաթան Անանդը, Վեսելին Տոպալովը, Հիկարու Նակամուրան եւ Շախրիյար Մամեդյարովը:
Աշոտ ՀԱԿՈԲՅԱՆ