Ռուսաստանի նախագահ Վլադիմիր Պուտինը ստորագրել է հրամանագիր, որով Ռուսաստանի Դաշնության քաղաքացիություն է շնորհել ֆրանսիացի դերասան Ժերար Դեպարդյեին:
Թեեւ որեւէ հաղորդում չի եղել, թե Դեպարդյեն հայցել է ՌԴ քաղաքացիություն, անցած ամիս Պուտինն ասել էր, որ իր երկիրը պատրաստ է ընդունել 63-ամյա աշխարհահռչակ ֆրանսիացուն, որը հարկերին առնչվող սուր տարաձայնություններ ունի Ֆրանսիայի իշխանությունների հետ:
Ֆրանսիական Le Monde-ը հաղորդել էր, թե Դեպարդյեն իր ընկերների հետ զրույցում ասել է, որ մտածում է տեղափոխվել Բելգիա, որտեղ տուն ունի, կամ Մոնտենեգրո, որտեղ գրանցված բիզնես ունի, կամ Ռուսաստան` խուսափելու Ֆրանսիայում քննարկվող նոր հարկային ռեժիմից:
Ֆրանսիայի սոցիալիստ նախագահ Ֆրանսուա Օլանդը ծրագրում է 1 միլիոն եվրոյից բարձր տարեկան եկամուտ ունեցողների համար սահմանել 75 տոկոսանոց եկամտահարկ:
Կարդացեք նաև
Ռուսաստանում այդ հարկը, անկախ եկամուտներից, կազմում է 13 տոկոս:
«Ազատություն» ռադիոկայան
