Վեց հարբած տղամարդիկ Դելիում դեկտեմբերի 16-ին բռնաբարել ու ծեծել էին 23-ամյա ուսանողուհուն ավտոբուսում, երբ նա կինոթատրոնից վերադառնում էր ընկերոջ հետ: Չնայած բժիշկների ջանքերին՝ դեկտեմբերի 29-ի գիշերը նա մահացավ:
РИА Новости-ին վկայակոչելով բրիտանական Sunday People-ի կիրակնօրյա համարը՝ հայտնում է, որ դաժան բռնաբարության հետեւանքով զոհված ուսանողուհու հայրը որոշել է հայտնել իր դստեր իսկական անունը՝ Ջոթի Սինգհ Փանդի (Jyoti Singh Pandey): Մինչ այդ ԶԼՄ-ներում աղջկան անվանում էին հորինած Ամանաթ անունով, քանի որ հնդկական օրենքների համաձայն՝ բռնաբարության զոհի անունը կարող է բացահայտվել միայն իր, կամ ինչպես այս դեպքում է՝ հանգուցյալների հարազատների համաձայնությամբ: Այսպես ոստիկանությունը գործ հարուցեց Zee News հեռուստաընկերության դեմ, երբ եթերում հնչեց աղջկա ուղեկցի անունը: Նախաքննական մարմնի կարծիքով՝ սա կարող էր հանգեցնել հանցագործության զոհի բացահայտմանը:
«Մենք ուզում ենք, որ աշխարհն իմանա իր անունը: Ես հպարտանում եմ նրանով: Եթե մենք ասենք նրա անունը՝ դա կարող է վճռականություն հաղորդել այլ կանանց, որոնք նման հարձակման զոհ են դարձել»,- հայտարարել է զոհվածի հայր Բադրին:
Ջոթիի նկատմամբ իրականացված հանցագործության կապակցությամբ Հնդկաստանի շատ քաղաքներում անցկացվեցին բողոքի զանգվածային գործողություններ, որոնց ընթացքում բախումներ եղան ոստիկանության հետ: Մարդիկ պահանջում էին ոչ միայն մահապատժի ենթարկել բռնաբարողներին, այլ նաեւ միջոցներ ձեռնարկել կանանց նկատմամբ բռնության դեմ պայքարի ուժգնացման առումով:
Կարդացեք նաև
Հինգշաբթի հինգ տղամարդկանց պաշտոնապես ներկայացվեցին մեղադրանքներ: Վեցերորդի ճակատագիրը կորոշի անչափահասների գործերով դատարանը:
