Լրահոս
Օրվա լրահոսը

Արկադի Սեւումյան. «Մի օր կնկարեմ իմ Հայաստանը»

Հունվար 10,2013 23:00

Այսօր «Դալան» ցուցասրահում տեղի ունեցավ մոսկվաբնակ հայազգի ինքնուս նկարիչ Արկադի Սեւումյանի կտավների ցուցահանդեսը: Նկարիչը լրագրողներին հայտնեց, որ բոլոր 26 նմուշները ստեղծվել են 2012թ-ի ընթացքում. «Այդ տարի առաջին անգամ ես սկսեցի նկարել յուղաներկով, իսկ մինչ այդ օգտագործում էի մատիտ ու ածուխ: Ինձ համար ներշնչանքի աղբյուր են ճարտարապետությունը եւ մարդկային էմոցիաները: Նկարչությունն ինձ համար ոչ թե հոբբի է, այլ պահանջ»: Սեւումյանը հավելեց, որ «Դալանում» ներկայացված նմուշները մինչ այդ ցուցադրվել են Մոսկվայում. «Ասել են, որ ինքնուս նկարչի պարագայում դրանք շատ հաջող են: Այդ պատճառով որոշեցի իմ նկարներով «կիսվել» նաեւ հայ հանդիսատեսի հետ»:

Սեւումյանի խոսքով. «Նկարչի «կարիերաս» սկսվում է երեկոյան ժամը 20:00-ից հետո: Նկարում եմ, օրինակ, գնացքում կամ կաֆեում` սրճելուց: Նկարում եմ այն, ինչ տեսնում եմ, բայց ինչպես մոսկվացի երկու նկարիչ են ասել` ես ունեմ իմ ոճը: Չգիտեմ, թե ինչպես է այն կոչվում, բայց իմ նկարները ճանաչելի են»:

Նկարիչը նաեւ ասաց, որ վերջին 25 տարին ապրել է Իտալիայում եւ Ռուսաստանում. «Հայրենի բնապատկերներ չեմ ստեղծել, բայց կգա մի օր, որ ես կնկարեմ նաեւ իմ Հայաստանը»:

 

Լուիզա ՍՈՒՔԻԱՍՅԱՆ

 

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հունվար 2013
Երկ Երե Չոր Հնգ Ուրբ Շաբ Կիր
« Դեկ   Փետ »
 123456
78910111213
14151617181920
21222324252627
28293031