Լրահոս
Օրվա լրահոսը

Հ. Բագրատյան. Քանի դեռ ՀԱԿ-ը կար՝ ես գիտեի, որ մենք գնում ենք քանդելու, ու ես դրան համաձայն էի, հիմա՝ չէ

Հունվար 11,2013 22:11

«Մի չափազանցրեք, որ ՀԱԿ-ի համակիրներն ինձ դեմ են: Ես դեռ չեմ կշռել, բայց ինձ թվում է, որ ՀԱԿ-ից համակիրներն շատ ավելի շատ են, քան թե դեմերը»,-այսօր «Ազատություն» ռադիոկայանի facebook-յան ասուլիսի ժամանակ Aravot.am-ի հարցին՝ ինչպե՞ս եք վերաբերում ձեր առաջադրվելու կապակցությամբ ՀԱԿ համակիրների քննադատությանը, պատասխանեց «Ազատություն» կուսակցության նախագահ Հրանտ Բագրատյանը:

Նրա համոզմամբ, ՀԱԿ-ից իրեն դեմ են Լեւոն Տեր-Պետրոսյանի ֆանատները. «Մարդ կա՝ ֆանատ է, ասում է՝ մեր լիդերը Տեր-Պետրոսյանն է եւ վերջ: Տեր-Պետրոսյանի ստեղծած ՀԱԿ-ը իշխանությունը կազմաքանդելու շարժում էր, կարեւոր չէր՝ դու լիբերալ ես, կոմունիստ, թե սոցիալիստ: Ես գալիս եմ հստակ ազատական դիրքորոշումներով, որը համարում եմ ավելի սոցիալական, քան թե սոցիալիստների սոցիալիզմը, ավելի արդարացված:

Եվ այստեղ գաղափարների հարց կա: ՀԱԿ- ի մեջ այն փոքրիկ հատվածը, որոնց համար սրանք կարեւոր են՝ Բագրատյանի մեջ տեսնում է ոչ պոպուլիստին: Իմ ծրագրում չեմ ասում՝ աշխատատեղ կստեղծեմ: Մոդայիկ է, չէ ՞, սաղ աշխատատեղ են ստեղծում: Ամեն անգամ 2-րդ, 3-րդ նախագահը աշխատատեղ են ստեղծում, բայց 100.000 ստեղծում էին, 240.000 փակվել է, ուրեմն՝ ստեղծված աշխատատեղը որակով չէ: Ես ուրիշ բան եմ ասում՝ դուք ձեր աշխատատեղը կստեղծեք:

ՀԱԿ-ում կան ուժեր, մի երկու կուսակցության ղեկավար անընդունելի են համարում: Քանի դեռ ՀԱԿ-ը կար՝ ես գիտեի, որ մենք գնում ենք քանդելու, ու ես դրան համաձայն էի, հիմա՝ չէ: Այսպիսի բաներ կլինեն, բայց ճնշող մեծամասնությունը նման խնդիր չունի»:

Հիշեցնենք՝ պարոն Բագրատյանի առաջադրվելու որոշումը համացանցում ՀԱԿ համակիրների քննարկման նյութն էր դարձել: Նրանք տարբեր նկարներով ու մեկնաբանություններով քննադատում էին՝ այդ որոշումը:

Արփինե ՍԻՄՈՆՅԱՆ

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հունվար 2013
Երկ Երե Չոր Հնգ Ուրբ Շաբ Կիր
« Դեկ   Փետ »
 123456
78910111213
14151617181920
21222324252627
28293031