Լրահոս
Օրվա լրահոսը

ՀԱԿ-ի մասին. «Ուր է մի կարգին բան ասեն՝ ինձ կպնող ու տեսեք, թե ես իրենց մասին ինչեր եմ ասելու»

Հունվար 12,2013 20:38

Aravot.am-ը  Կոնգրեսին հարող, ՀԱԿ համակիր, Գերագույն խորհրդի նախկին պատգամավոր Ազատ Արշակյանին հարցրեց՝ չե՞ք մտածում, որ Կոնգրեսը կսկսի այս խոսքերից հետո քարկոծել նաեւ Ձեզ, եւ Դուք էլ կհայտնվեք դավաճանների ցուցակում: Հիշեցնենք, որ նա հրավիրած ասուլիսում շատ հստակ ասաց , որ ուզում է Սերժ Սարգսյանը դառնա նախագահ եւ շնորհակալ է, որ հեռացավ Լեւոն Տեր-Պետրոսյանը:

Ազատ Արշակյանն այսպես պատասխանեց. «Ես,  ճիշտն ասած, մի 10 տարի հանգստանում էի, չէի քարկոծվում: Որպես իսկական հայ մազոխիստ  մի տեսակ տհաճ էր, որ դուրս էի գալիս փողոց ու ինձ չէին ասում դավաճան: Մի տեսակ տհաճ էր, ադրենալինի պակաս էր: Հիմա ադրենալինի պակասը կլրացնեմ: Բայց չի կարելի հայտարարություն անել եւ հակառակորդների պատասխանը չակնկալել: Ես գիտեմ, որ ասելու են: Ես գիտեմ, որ կասեն, եւ ես  դրան պատրաստ եմ: Ես էլ կասեմ: Այ, իրենք կասեն, այդ դեպքում թող լսեն, թե ե՛ս ինչ կասեմ: Ուր է մի կարգին բան ասեն՝ ինձ կպնող ու տեսեք, թե ես իրենց մասին ինչեր եմ ասելու: Ասողը կասի, էլի: Որ չեմ ասում՝ կարծում եք չե՞ն ասում՝ ուր ես, ինչի չկաս, մենք վաղուց պատրաստվել էինք, որ դու պետք  է զոհվես, մենք արդեն տեքստն ենք գրել քո դամբանականի, իսկ դու դեռ ողջ ես: Գիտե՞ք ինչքան դագաղագործ կա, որ սպասում են»,- հեգնեց Ազատ Արշակյանը:

Հռիփսիմե ՋԵԲԵՋՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հունվար 2013
Երկ Երե Չոր Հնգ Ուրբ Շաբ Կիր
« Դեկ   Փետ »
 123456
78910111213
14151617181920
21222324252627
28293031