Aravօt.am-ի հետ զրույցում, քննարկելով ԲՀԿ-ի պահվածքը. այս կուսակցության առաջնորդի` հասարակությանը տևական ժամանակ սպասողական վիճակի մեջ դնելն ու հույսերը չարդարացնելը, նման կարծիք հայտնեց պատմաբան Արշավիր Գասպարյանը: «Դասական քաղաքականության մեջ կամ ընդդիմություն են, կամ իշխանություն են, մենք այսօր գտնում ենք, որ «Բարգավաճ»-ըը այլընտրանք է համարվում: Ես չեմ ուզում կուսակցության գործունեությունը մեկնաբանել, բայց ամեն դեպքում գտնում եմ, որ այս կուսակցությունն ուներ և քաղաքական ռեսուրսները, և ուներ ուժը, և էլեկտորատը, եթե մասնակցեր ընտրությունների, ավելի հետաքրքիր կլիներ ընտրությունները, ավելի կնպաստեր քաղաքական զարգացմանը, չէր լինի այսպես դժգույն ու անդեմ»: Իսկ ինչո՞ւ ԲՀԿ առաջնորդը չառաջադրեց իր թեկնածությունը, վախեցավ իր ու յուրայինների ունեցվածքը կորցնելո՞ւց, ինչպես որ պնդում են քաղաքական շատ մեկնաբաններ, մեր այս հարցին, պատմաբանը հետևյալ պատասխանը տվեց«Չգիտեմ ինչից վախեցան, չգիտեմ, չեմ կարող ասել, թե ինչը խանգարեց, բայց երևի ինչ-որ քաղաքական հաշվարկներ կար:Մենք կարևորենք մեկ հանգամանք, քաղաքականությունը ինչ-որ հաշվարկների վրա է հիմնված, քաղաքականությունը շախմատ է, շախմատ է խաղում, ուրեմն ինչ- որ մի քայլում նման մոտեցումները չարդարացվեցին»:
Նունե ԱՐԵՎՇԱՏՅԱՆ
