Լրահոս
Օրվա լրահոսը

Լոռեցի երիտասարդները նախընտրում են անձամբ զբաղվել ձեռներեցությամբ

Հունվար 28,2013 15:20

Razmik-Sardaryan «Երիտասարդական ալիք» հ/կ-ն իրականացնում է «Երիտասարդության ձեռներեցության զարգացում» ծրագիրը

«Երիտասարդական ալիք» հ/կ նախագահ Ռազմիկ Սարդարյանի (լուսանկարում)կարծիքով՝ մերօրյա երիտասարդների մոտ մեծ է ձգտումը սեփական գործ սկսելու համար:

Նրա ղեկավարած հ/կ-ի ուսումնասիրությունները ցույց են տվել, որ շատերն են ցանկանում սեփական գործ հիմնել, բայց չգիտեն` ինչից ու ինչպես սկսել:

«Եթե մի քանի տարի առաջ ձգտում կար լավ աշխատավարձով աշխատանք գտնելու, ապա ներկայումս երիտասարդության շրջանում արդեն առկա է ձգտումը ձեռներեցությամբ անձամբ զբաղվելու, ուղղակի չգիտեն՝ ինչպես սկսել, ինչից սկսել, եւ ինչ անել, որ արդյունավետ լինի, փորձի, հմտությունների պակաս ունեն»,-Aravot.am-ի հետ զրույցում նշում է Ռազմիկ Սարդարյանը:

Այդ իսկ պատճառով էլ «Երիտասարդական ալիք» հ/կ-ն ՀՀ սպորտի եւ երիտասարդության հարցերի նախարարության աջակցությամբ իրականացնում է «Երիտասարդության ձեռներեցության զարգացում» ծրագիրը:

Ծրագրի նպատակն է խթանել Լոռու մարզի երիտասարդների ակտիվությունը ձեռներեցության բնագավառում եւ ձեւավորել երիտասարդական ձեռներեցության մասին դրական պատկերացում` որպես սոցիալ-տնտեսական զարգացման հիմնական գործոն:

«Ծրագիրը իրականացվում է երեք փուլով: Առաջին փուլում մենք Ալավերդի, Ստեփանավան, Սպիտակ, Տաշիր քաղաքներում եւ Վանաձորում անց ենք կացրել հանրային քննարկումներ համայնքի ավագանու, համայնքի ղեկավարների եւ ակտիվ երիտասարդների մասնակցությամբ, վեր ենք հանել ձեռներեցության զարգացման հետ կապված խնդիրները, եւ լրամշակել դասընթացի համար նախատեսված թեմաներ »,-ասում է հ/կ-ի նախագահը:

«Երիտասարդների գործարար հմտությունների զարգացում» ուսուցողական դասընթացին հետեւելու է գործարար առաջարկների մրցույթը, որի ժամանակ էլ պարզ կդառնան երեք հաջողված ծրագրային առաջարկները:

«Դասընթացից հետո միայն դասընթացի մասնակիցները, կիրառելով ձեռք բերած գիտելիքները, հնարավորություն կստանան դիմել ծրագրային առաջարկով, իրենց գաղափարները ներկայացնել պատրաստի հայտի ձեւով, եւ մենք հանձնաժողովի անդամներով կքննարկենք բոլոր հայտերը, եւ ներկայացված հայտերից ամենահաջողված երեք լավագույն առաջարկները կխրախուսվեն դրամական պարգեւներով »,-տեղեկացնում է Ռազմիկ Սարդարյանը:

Ըստ նրա` այս ծրագիրը երիտասարդներին կզինի համապատասխան գիտելիքներով ու հմտություններով, որպեսզի նրանք ամուր հիմքեր ունենան սկսելու սեփական գործը:

Անուշ ԲՈՒԼՂԱԴԱՐՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հունվար 2013
Երկ Երե Չոր Հնգ Ուրբ Շաբ Կիր
« Դեկ   Փետ »
 123456
78910111213
14151617181920
21222324252627
28293031