Լրահոս
Օրվա լրահոսը

Վազգեն Սարգսյանի եղբայրը կսատարի Սերժ Սարգսյանին

Փետրվար 04,2013 15:57

Այսօր Արարատի մարզի Արարատ քաղաքում, մշակույթի տանը, ՀՀ նախագահի թեկնածու  Սերժ Սարգսյանի հետ հանդիպմանը ներկա էր նաեւ վաղամեռիկ սպարապետ Վազգեն Սարգսյանի կրտսեր եղբայրը՝ Արմեն Սարգսյանը: Լրագրողների հետ զրույցում նա ասաց, որ առաջիկա նախագահական ընտրություններում  ինքը սատարում է Սերժ Սարգսյանի  թեկնածությունը եւ իր համագյուղացիներին ու բարեկամներին էլ կոչ է անում, որպեսզի սատարեն Սերժ Սարգսյանին:

Լրագրողների զարմանքին ի պատասխան՝ Արմեն Սարգսյանը բացատրեց, որ Սերժ Սարգսյանը գործ է արել եւ այդ գործը կիսատ է մնացել, հետեւաբար կարիք կա նրան գործը ավարտին հասցնելու հնարավորություն տալ: Լրագրողներից մեկը հետաքրքրվեց, թե իր կարծիքով՝ հատկապես ի՞նչ գործ է արել Սերժ Սարգսյանը, Արմեն Սարգսյանն ասաց. «Լավ բաներ կան, շատ բաներ կան: Որ դուք չեք ուզում տեսնել նրա արած գործը՝ դա ձեր խնդիրն է»: «Ազատություն» ռադիոկայանի թղթակիցը Արմեն Սարգսյանին հիշեցրեց իր մյուս եղբոր՝ Արամ Սարգսյանի կեցվածքը, ով այս ընտրություններում որեւէ մեկին չի սատարում, ավելին՝ կարծիք էր հայտնել, թե սա ոչ թե ընտրություն է, այլ տունտունիկ: Արմեն Սարգսյանը պատասխանեց. «Իմ եղբայրը իմ եղբայրն է, ես՝ ես եմ: Արյունը ջուր չի դառնում, ես սատարում եմ Սերժ Սարգսյանի թեկնածությունը»:

Հիշեցնենք, որ Արմեն Սարգսյանը, ով Ռոբերտ Քոչարյանի նախագահության տարիներին դատապարտվել էր Տիգրան Նաղդալյանի սպանությունը պատվիրելու մեղադրանքով, ազատություն ստացավ Սերժ Սարգսյանի պաշտոնավարման առաջին հնգամյակում:

Նելլի ԳՐԻԳՈՐՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (6)

Պատասխանել

  1. Maxim says:

    Սա է իրականությունը և ոչինչ հնարավոր չէ ասաել:

  2. Նազիկ says:

    Կարդացի,զարմացա:Գուցե հիշողության կորուստ ունենք:Զարմանում ենք,զարմանալով ու այդպես շարունակ:

  3. Համլետ says:

    Ադմինին.
    Գրաքննությունը Առավոտ-ում վերականգնել՞ էք…

    • Հարգելի Համլետ: Մենք վիրավորանքներ չենք հրապարակում: Եթե դա համարում եք գրաքննություն՝ Ձեր իրավունքն է:

    • Համլետ says:

      Վիրավորում են մարդուն,իսկ եղբոր հիշատակը պախարակողին ու ստորաքարշին ես,միգուցե և Դուք՝ մարդ չեմ համարում:
      Նման քնքուշ վերաբերմունքն ու հանդուրժողականությունը այդկերպերի հանդեպ մեզ բերել հասցրել է ներկայիս ողբալի իրավիճակին…
      Լինելու է և Ոգու սով,երբ մայրն իր զավակին ուրանում է,արյունը ջուր է դառնում,եղբայրը թքում է եղբոր հիշատակի վրա….

Պատասխանել Աննա ԻՍՐԱՅԵԼՅԱՆ

Օրացույց
Փետրվար 2013
Երկ Երե Չոր Հնգ Ուրբ Շաբ Կիր
« Հուն   Մար »
 123
45678910
11121314151617
18192021222324
25262728