Լրահոս
Օրվա լրահոսը

Հին Երևանի նկարագրի պահպանությունը՝ ՕԵԿ-ի նախընտրական ծրագրում

Ապրիլ 08,2013 18:05

ՕԵԿ-ը իր նախընտրական ծրագրում կարեւորել է Երևանի համաչափ զարգացումը: Կուսակցությունը գտնում է ՝  քաղաքի քարտեզի վրա չպետք է լինեն հատուկ տարածքներ` քաղաքի կենտրոնի կառուցապատումը պետք է լինի նույնքան ուշադրության կենտրոնում, որքան քաղաքի ցանկացած ծայրամասի կառուցապատման խնդիրները:

Իսկ հանրային նշանակություն ունեցող կառուցապատման և բարեկարգման յուրաքանչյուր նախագիծ պետք է պարտադիր անցնի հրապարակման, հանրային քննարկման, քաղաքաշինական համալիր գնահատման և շրջակա միջավայրի վրա ազդեցության փորձաքննության փուլերը: Այդ խնդիրները լուծելու համար կուսակցությունն առաջարկում է.

•          առանձնահատուկ ուշադրություն դարձնել Երևանի համալիր և հավասարաչափ զարգացմանը, հանրային և մասնագիտական լայն քննարկման արդյունքում ընդունել Երևան քաղաքի նոր գլխավոր հատակագիծը,

•          քաղաքաշինության ոլորտում ամրապնդել օրինականությունը և կանխել ապօրինի շինարարության դրսևորումները,

•          մշակել հատուկ նշանակության ծրագրեր վթարային և քանդման ենթակա բազմաբնակարանային շենքերի հիմնախնդիրների անհապաղ լուծման համար,

•          բացառել քաղաքացիների իրավունքների և շահերի ոտնահարումը կառուցապատման ծրագրերի իրականացման գործընթացում, միաժամանակ շինություններ կառուցելու ընթացքում չհարուցել արհեստական խոչընդոտներ և բյուրոկրատական քաշքշուկներ, եթե վերջիններս չեն վնասում մյուս քաղաքացիների շահերին,

•          առանց քաշքշուկների օրինականացնել երևանցիներին պատկանող բնակելի տները, դրանց կցակառույցներն  ու տնամերձ հողատարածքները,

•          ապահովել առանձնատների կառուցման համար համապատասխան հողատարածքների անարգել հատկացումը,

•          առանձնատների կառուցման գործում ապահովել քաղաքացիների հիպոթեքային և ցածր տոկոսադրույքով երկարաժամկետ վարկերի տրամադրումը,

•          ապահովել նորակառույց առանձնատների ընդհանուր գազային ցանցին, ջրատարերին և կոյուղագծերին միացումը,

•          իրականացնել բնակելի առանձնատների հոծ կառուցապատման տարածքներում դպրոցների, մանկապարտեզների և պոլիկլինիկաների կառուցումը,

•          իրականացնել բնակիչների ավտոտնակների տեղադրման համար հողահատկացումները,

•          իրականացնել առանձնատների կառուցման համար բնակիչներին անհրաժեշտ շինանյութերի և շինարարական տեխնիկայի տրամադրումը, այդ առանձնատների նախագծային-նախահաշվային փաստաթղթերի կազմումը և ձևակերպումը,

•          բացառել մայրաքաղաքի գլխավոր հատակագծից  դուրս կետային կառուցապատումը,

•          պահպանել Երևանի պատմամշակութային հուշարձանները, շենքերի ճարտարապետական տեսքն ու հին Երևանի նկարագիրը, նոր կառուցապատման միտումների համադրմամբ:

Կուսակցությունը  առաջարկություններ է ներկայացրել նաեւ Երեւանի բարեկարգման հարցում:

Երևանի արտաքին տեսքի, երևանցու հարմարավետ ապրելակերպի, մայրաքաղաքում գործող ենթակառուցվածքների զարգացման համար նախընտրական ծրագրում ՕԵԿ-ը նշել է  քաղաքի բարեկարգման ամբողջական նպատակային ծրագրի մշակման  և իրականացման անհրաժեշտությունը  ու առաջարկել է

•          անձնագրավորել մայրաքաղաքի  շենքերն ու փողոցները, գույքագրել խնդիրները և սահմանել դրանց լուծման համար հստակ ժամկետներ ու պատասխանատուներ,

•          կանոնակարգել շենքերի արտաքին տեսքի ճարտարապետական ձևավորման, մուտքերի, լուսավորության, գովազդային ձևավորման, փողոցների, մայթերի բարեկարգման, ավտոկայանատեղերի տեղաբաշխման հարցերը, ավարտել փողոցների և շենքերի հասցեների ցուցանակների տեղադրումը,

•          բարեկարգման, կանաչապատման, ասֆալտապատման և լուսավորման աշխատանքների իրականացման առաջնահերթությունը տեղափոխել գլխավոր փողոցներից դեպի քաղաքի ծայրամասերում գտնվող երկրորդական փողոցներ ու նրբանցքներ,

•          ապահովել քաղաքի փողոցների ու նրբանցքների որակյալ լուսավորումը,

•          հիմնել նոր քաղաքային այգիներ և զբոսանքի վայրեր, պաշտպանիչ անտառաշերտեր` քաղաքի օդային ավազանը բարելավելու նպատակով, կանաչապատման արդյունավետությունը բարձրացնելու համար վերականգնել ոռոգման ցանցը` ժամանակակից ջրագծերի կառուցումը:

Արփինե ՍԻՄՈՆՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Ապրիլ 2013
Երկ Երե Չոր Հնգ Ուրբ Շաբ Կիր
« Մար   Մայիս »
1234567
891011121314
15161718192021
22232425262728
2930