Լրահոս
Օրվա լրահոսը

Patch. «Թանգարանը կհարգի Հայոց և այլ ցեղասպանությունների զոհերի հիշատակը»

Ապրիլ 11,2013 22:30

Հայոց ցեղասպանությունը տեղի է ունեցել 98 տարի առաջ, սակայն այն խորը նստած է տեղի հայերի հիշողության մեջ: Գրում է «Փեթչ» պարբերականի Վոթերթաուն քաղաքի բաժինը:

Ամեն տարի Վոթերթաունում Ամերիկայի հայկական գրադարանն ու թանգարանը նշում են Ցեղասպանության տարելիցն, ինչպես նաև հրավիրում այլ համայնքների ներկայացուցիչների, որոնք նույնպես ցեղասպանություն են վերապրել:

Ապրիլի 24-ի փոխարեն թանգարանի միջոցառումը տեղի կունենա կիրակի, ապրիլի 21-ին: Միջոցառմանը նաև կհարգեն Կամբոջայի և Դարֆուրի (Սուդան) ցեղասպանության զոհերի հիշատակը, ասել է ԱՀԳԹ-ի համադրողի օգնական Հաուեյդա Աբու Աֆանը:

«Ցեղասպանությունը մեծ նշանակություն ունի հայերի համար», – ասել է Աբու Աֆանը, – «Այն դարձել է հայկական մշակույթի մի մեծ մասը»:

Միջոցառման ժամանակ Հարավային Քոնեքթիքուտ համալսարանի պրոֆեսոր Արմեն Մարսուբյանը կխոսի Հայոց ցեղասպանության թողած հետևանքների մասին:

Միջոցառմանը ելույթ կունենան նաև Կամբոջայի ցեղասպանությունը վերապրած Քոուիթ Քրեթը և Մասաչուսեթսի «Հանուն Դարֆուրի փրկության» դաշինքի նախագահ Էրիկ Քոհենը:

Անցած տարի ԱՀԳԹ-ն հրավիրել էր նաև ուկրաինական և իռլանդական համայնքների անդամների՝ Ուկրաինայի ցեղասպանության և Իռլանդիայի սովի զոհերի հիշատակը հարգելու:

 

Պատրաստեց Հովհաննես ԻՇԽԱՆՅԱՆԸ

 

 

 

 

 

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Ապրիլ 2013
Երկ Երե Չոր Հնգ Ուրբ Շաբ Կիր
« Մար   Մայիս »
1234567
891011121314
15161718192021
22232425262728
2930