Երեկ լուրեր տարածվեցին, որ ՕԵԿ-ը սկսել է ընտրակաշառք բաժանել՝ 1 ձայնի դիմաց 4 տուփ խտացրած կաթ եւ կես կգ մեղր: Այսօր Aravot.am-ը ՀՅԴ Հայաստանի Գերագույն մարմնի փոխներկայացուցիչ Աղվա Վարդանյանից «Սլաք» ակումբում հետաքրքրվեց՝ Դուք նման ահազանգեր ստացե՞լ եք: Պարոն Վարդանյանը պատասխանեց. «Նորմալ չափ է: Ես տեղյակ եմ: Ֆեյսբուքում ակտիվ մեր թեկնածուներից մեկը՝ Արթուր Եղիազարյանը գրառում էր արել, որ իր բարեկամներից մեկին մոտեցել եւ առաջարկել են այդ քաղցր բաները, ՕԵԿ-ը հայտարարել է, որ նման բան չկա: Անցած անգամ էլ մուրաբաներ չէին բաժանել: Անցած անգամ էլ նորմալ էր, իհարկե, չկար: Դատարանը, կարծում եմ, կկարգավորի խնդիրը»:
Հիշեցնենք, որ Հեղինե Բիշարյանը սպառնացել էր այդ լուրը տարածողին դատի տալ:
Հռիփսիմե ՋԵԲԵՋՅԱՆ
