Սպորտային ըմբշամարտը կմնա օլիմպիական խաղերի ծրագրում

Սպորտային ըմբշամարտը կմնա օլիմպիական խաղերի ծրագրում

Երեկ Սանկտ-Պետերբուրգում կայացած նիստում ՄՕԿ-ի գործկոմը քվեարկեց ըմբշամարտը օլիմպիական խաղերի ծրագրի տիտղոսաթերթում ընդգրկելու օգտին:

Գործկոմը երաշխավորել է եւս երկու մարզաձեւ՝ սոֆթբոլ/բեյսբոլը եւ սկվոշը: Օլիմպիական մարզաձեւերի ցուցակից դուրս են մնացել կարատեն, անվավոր չմուշկները, վեյկբորդինգը, ուշուն եւ լեռնամագլցումը: Հարցին, թե ըմբշամարտը օլիմպիական խաղերի ծրագրից հանելու առաջարկը սխալ չէ՞ր, ՄՕԿ-ի օլիմպիական մարզաձեւերի հանձնաժողովի նախագահ Ֆրանկո Կարրարոն պատասխանել է. «Ես պատրաստ չեմ մեկնաբանել: Սակայն կարող եմ ասել միայն, որ ՄՕԿ-ը մշակել է 99 տարրերից կազմված համակարգ, որով գնահատվել են օլիմպիական բոլոր մարզաձեւերը»:
Այժմ նշված երեք մարզաձեւերն էլ ներկայացվելու են ՄՕԿ-ի 125-րդ համաժողովի հաստատմանը:

  Աշոտ ՀԱԿՈԲՅԱՆ 

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

 
Առցանց Առավոտի լուրերին facebook-ով բաժանորդագրվելու համար սեղմեք