Լրահոս
Օրվա լրահոսը

Փաստաբանի պնդմամբ՝ տեսանյութն այնպես է մոնտաժված, որ համահունչ լինի զինդատախազի սկզբնական հայտարարություններին

Հուլիս 09,2013 11:19

Հատվածներ Բուդաղյանների շահերի պաշտպան Հայկ Ալումյանի հարցազրույցից:

Շա՞տ է կտրտված տեսանյութը։

– Այո, ես կասեի՝ բավականին։

Այսինքն, ամբողջությամբ պատկերը փոխում է ու այլ տպավորություն է թողնո՞ւմ։

– Այո, շատ հետաքրքիր ձեւով է կտրտված, որ բոլորովին ուրիշ

տպավորություն ստեղծվի եւ համահունչ լինի զինդատախազի սկզբնական հայտարարություններին։

Այս ընթացքում ձեր վրա ճնշումներ չե՞ն եղել հակառակ կողմից։

– Չէ։ Խորհուրդ էլ չէի տա որեւէ մեկին՝ նման փորձ կատարել։

Ձեր կարծիքով, ինչո՞ւ Սուրեն Խաչատրյանի որդու շահերի պաշտպանությունը փաստաբանների պալատի նախագահը ստանձնեց, այսինքն, նման բարձր մակարդակով կազմակերպվեց նրա պաշտպանությունը։

– Պարոն Սահակյանը հանրապետության լավագույն փաստաբաններից մեկն էր, երբ դեռ պալատի նախագահը չէր, եթե ոչ լավագույնը, հիմա էլ նրա մասնակցությունը այդ գործին՝ անկախ նրա զբաղեցրած դիրքից, բավականին ուժեղացնում է պաշտպանությունը։ Եթե սրան գումարենք, որ պաշտպանությանը միացել է նաեւ զինդատախազը, ապա բավականին ուժեղ պաշտպանություն կա եւ մեր խնդիրը բարդանում է նաեւ դրանով։

Դուք նաեւ ասել էիք, որ Բուդաղյան եղբայրներին թիկունքից են կրակել։ Աոաջին օրվանից կասկածներ կային, որ ավելի բարձր դիրքից են կրակել հետեւից։ Նաեւ կասկածներ կային, որ Լիսկան անձամբ է պատշգամբից կրակել։ Որքանո՞վ է հիմնավոր այս վարկածը։

– Այդ հարցը ես հիմա չեմ կարող մեկնաբանել, որովհետեւ շատ կոպտորեն խախտած կլինեմ անմեղության կանխավարկածը։

Լավ, անձին թողնենք մի կողմ։ Ակնհա՞յտ է, որ հետեւից, բարձր դիրքից է ինչոր մեկը կրակել։

– Այդ հարցին պատասխանելը վաղ է, որովհետեւ նման հարց փորձաքննությանն առաջադրված չի եղել, եւ մենք չունենք այդ առումով փորձագիտական եզրակացություն։

Ինչո՞ւ չկա, դա թերացում չէ՞։

– Հարցն ուրիշ կերպ է սովորաբար փորձագետին առաջադրվում՝ ինչ դիրքում է գտնվել անձը հրազենային վնասվածքը ստանալու պահին, եւ պատասխանը սովորաբար լինում է բավականին անորոշ։ Երբ մենք նախաքննության նյութերին ծանոթանանք, չի բացառվում նաեւ ձեր հուշած ուղղությամբ փորձենք հարցեր առաջադրել։

Արտակ Բուդադյանը չի ասո՞ւմ՝ ինչից է ծագել այդ վեճը։

– Իհարկե, ասում է։ Բայց ես չեմ կարող դա ասել, որովհետեւ կստացվի, որ նրա ցուցմունքները հրապարակում եմ։

Իսկ նրանց մեղքն այդտեղ որքանո՞վ է:

– Զրո, կլոր զրո։ Իրենց մեղքի մասին վարկածը շրջանառության մեջ է դրվել 2 աղբյուրներից՝ զինդատախազի հապճեպ, միակողմանի հայտարարություններից, գումարած այդ մոնտաժված տեսանյութը։ Այդ 2 գործոնները հաշվի առնելով, հասարակությանը ապատեղեկացրել են՝ ձեզ համար երեւի հասկանալի նպատակով։

Լուսինե ԲԱՐՍԵՂՅԱՆ

Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հուլիս 2013
Երկ Երե Չոր Հնգ Ուրբ Շաբ Կիր
« Հուն   Օգո »
1234567
891011121314
15161718192021
22232425262728
293031