Նախախորհրդարանի անդամ Վարդան Հակոբյանն այսօր Ազատության հրապարակում Նախախորհրդարանի հանրահավաքին կոչ արեց հավաքվածներին, որ եթե ինչ-որ բան հնարավոր է գնել բակային խանութներից, ապա աջակցել մերձավորներին եւ գնել բակային փոքր կրպակներից, ոչ թե սուպերմարկետներից: Նրա խոսքերով՝ փոքր կրպակատերերը վարկերի տակ ճռռում են, ուստի պետք է աջակցել մերձավորներին:
Հարություն Մեսրոպյանի խոսքերով՝ «Մեր գլխին կառուցված պետական կառավարման համակարգը արդեն չի կարող թաքցնել, որ ինքն ունակ չէ: Ներքին գզվռտոցը, ամեն ամիս նոր թշնամանքները ցույց են տալիս, որ այդ համակարգը չի կարող ոչ միայն լուծել արտաքին խնդիրները, գնաճը, արտագաղթը, այլ նաեւ չեն կարող իրենք լուծել իրենց ներքին խնդիրները, դրա համար տարատեսակ սկանդալներ եք տեսնում՝ տարբեր ուժերի մեջ իշխանության մեջ: Մենք ասացինք, թե ինչ է լինում, երբ համակարգն իջնում է նվազագույն կետի: Հետո ամոթ մեզ, եթե չկարողանանք այդ նվազագույն կետից թռիչք անել: Դա մենք կանենք: Չի կարելի սպասել հրաշքներ այս կառավարման համակարգում, այս համակարգի բստրած օրենքներով փոխել երկիրը: Նրանք, ովքեր մասնակցում էին չընտրություններին, հիմա արձակուրդ են վերցրել: Բա իհարկե: Երեք անգամ ընկնեն փոսը, շատ երկար պետք է իրանք արձակուրդ անեն: Նախախորհրդարանն այն ժամանակ ասում էր, որ այդ ճանապարհը չի բերի փոփոխության: Դրա համար պետք է նվազագույն կետից թռիչք անել»:
Նա նաեւ նշեց, որ այս մեկ տարվա մեջ փլուզվեցին վերջին ռոմանտիկ ծրագրերը եւ նրանց ջատագով կուռքերը: Նա վստահեցրեց, որ սխալ է գնալ առաջնորդների հետեւից. «Պետք է գնանք առաջնորդ խմբի հետեւից, որն ապացուցել է, որ կարող է ունենալ ապագա: Մենք չպետք է ընկճվենք ու ասենք, որ մենք բախտ չունենք: Պետք է հիշենք, որ այս վատացող իրավիճակը մեզ շանս է տալիս, բարենպաստ պայման է ստեղծում, որ մենք սկսենք մեր թռիչքը: Պետք է պատրաստվեք թռիչքի: Մենք ուրիշ վարիանտ չունենք»:
Կարդացեք նաև
Հռիփսիմե ՋԵԲԵՋՅԱՆ
Մեր երկրում 35% աղքատություն է: Եթե միայն այդ մեկ միլլիոն մարդը միանա Նախախորհրդարանի պայքարին, արդեն հաղթած կլինենք: