Ինչպես հայտնի է` հուլիսի 16-ին Գյումրու նախկին քաղաքապետի դստեր փեսացու` 27-ամյա Կարեն Եսայանի սպանության գործով դատավարության ժամանակ որպես վկա հրավիրված Վարդան Ղուկասյանը «դեւ» էր անվանել ամբաստանյալ Հարություն Սարգսյանի փաստաբան Լուսինե Սահակյանին: Գյումրու նախկին քաղաքագլուխը նաեւ հրաժարվել էր պատասխանել փաստաբանի հարցերին`պատճառաբանելով, որ դիմացինը կին է, նաեւ դեւ է: Դատարանի նկատմամբ անհարգալից վերաբերմունք ցուցաբերելու ու փաստաբանական կողմին վիրավորվելու համար Լուսինե Սահակյանը դիմել էր դատախազություն:
Երեկ Լուսինե Սահակյանը լրագրողներին այս կապակցությամբ ասաց. «Նյութեր են նախապատրաստվում, եթե ղեկավարվենք Քրեական դատավարության օրենսդրությամբ տասնօրյա ժամկետում պետք է կամ հարուցեին քրեական գործ կամ հարուցումը մերժեին: Ինձ դեռեւս ոչ մի տեղեկություն չեն հայտնել հարուցվե՞լ է, թե՞ ինչ ընթացք է ստացել: Ես պատրաստվում եմ նախ պարզել, թե ինչ որոշում է կայացվել, որովհետեւ հնարավոր է եւ արդեն կա որոշում, որի մասին ուղղակի ինձ տեղյակ չեն պահել, երբ որ արդեն կպարզեմ` ինչ որոշում է կայացվել, ըստ այդմ արդեն կլինեն իմ գործողությունները: Չեմ կարծում, որ կկայացվի որոշում հարուցումը մերժելու մասին, եթե նման որոշում կայացվի դա կլինի ակնհայտ ապօրինություն, իհարկե, ես բողոքարկելու եմ այդ որոշումը»:
Aravot.am-ը ՀՀ ոստիկանության լրատվության եւ հասարակայնության հետ կապերի վարչության աշխատակից Արմեն Մալխասյանից հետաքրքրվեց, թե ի՞նչ ընթացքի մեջ է փաստաբանի այս բողոքը, վերջինս մեզ փոխանցեց, որ նյութեր են նախապատրաստվում:
Կարդացեք նաև
Նունե ԱՐԵՎՇԱՏՅԱՆ
Լուսանկարը` Hetq.am-ի
сам сатана других обзывает!
Եթե ինչ-որ մեկին ինչ-որ կերպ անվանելու համար սկսեն դատել, երկրում Չդատված մարդ չի մնա.. քրեական ծանր հանցանքներն են հաճախ անպատիժ մնում, դուք ասում եք դև է անվանել… հետո ինչ… կարող է դա իր կարծիքով նույնիսկ կոմպլիմենտ է… թող հակառակ կողմ էլ հակադարձնի վիրավորանքը… թե չէ ամեն ինչը այնքան ճշգրիտ ու կատարյալ է արդարադատության համակարգում, էլ գերան չի մնացել, հիմա շլուղերն ենք մաքրելու… Մի խլեք դատաիրավական համակարգի ժամանակը մանր բաների համար….
Ինչու չկա իմ քոմմենտը, էս ինչ բան է, բա խոսքի ազատությունը? ով է իրավունք տվել հանել իմ քոմմենտը, այն ոչ մի նորմ չի խախտել, բացի , երևի , փեր ուզածներից, հերթական ձեր ձևերն է, իմ քոմմնետը բխում էր նյութից, ես իմ գնահատականն եմ, շատ ճիշտ, էս ինչ բաներ են?
Ձեր նախորդ մեկնաբանությունը չի դրվել, քանի որ նրանում Դուք վիրավորական արտահայտություններ եք արել կին փաստաբանի հասցին: Այո, դա Ձեր գնահատականն է, սակայն հրապարակման համար պատասխանատուն “Առավոտն” է: Շնորհակալություն: