Ինչպես տեղեկացանք Կապանի նախկին քաղաքապետ Արտուր Աթայանից, վերջինս մտադրություն չունի առաջադրվելու սեպտեմբերի 29-ին թիվ 38 ընտրատարածքում կայանալիք ԱԺ մեծամասնական ընտրակարգով պատգամավորի լրացուցիչ ընտրություններին: Նա նաեւ հերքեց մամուլում տեղ գտած հրապարակումներն այն մասին, որ ՀՅԴ-ն հնարավոր է առաջադրի իր թեկնածությունը եւ ավելացրեց, որ ՀՅԴ-ում իր թեկնածության վերաբերյալ նույնիսկ քննարկում չի եղել:
Կապանի Արամ Մանուկյան կոմիտեի ներկայացուցիչ Գագիկ Ղահրամանյանը նշեց, որ կոմիտեում որեւէ թեկնածուի առաջադրման հարց չի քննարկվել, այս պահին նույնիսկ հստակ որոշում չկա, արդյոք ՀՅԴ-ն որեւէ թեկնածուի կառաջադրի՞, թե՞ ոչ: «Այս պահին Դաշնակցությունը ոչ մեկին չի պաշտպանում: Միանշանակ ինչ-որ ձեւով մենք մասնակցություն ունենալու ենք՝ կա՛մ առաջադրմամբ, կամ որեւէ թեկնածուի պաշտպանելով, համենայնդեպս, այս ընտրատարածքում չենք կարող պասիվ դիրքորոշում ունենալ: Այս պահին հստակ որոշում չկա, սպասեք օգոստոսի 5-ից 15-ն ընկած ժամանակահատվածին», – ասաց պարոն Ղահրամանյանը:
Կապանում շրջանառվող լուրերի համաձայն, ամենայն հավանականությամբ, ՀՀԿ-ից պատգամավորի թեկնածու կառաջադրվի Կապանի նախկին քաղաքապետերից մեկը՝ ՀՀԿ անդամ Արմեն Կարապետյանը, ում թեկնածությունը, թեեւ, շատ կապանցիների սրտով չէ:
Կարդացեք նաև
Մերի ՍՈՂՈՄՈՆՅԱՆ
Հեղինակին.
Եթե դու համակրում ես Աթայանին( դրա մասին են վկայում բազմաթիվ գովերգություններդ), դա քեզ իրավունք չի տալիս խոսել կապանցիների անունից:Արմեն Կարապետյանը բարի և սկզբունքային, քաղաքանապես պատրաստված անձնավորություն է, ուժեղ, գործունյա,աշխատասեր քաղաքապետ էր,ով բավականին գործ է արել Կապանի և կապանցիների համար:
Հարգելիս, ձեր արշինով մյուսներին մի չափեք…
Այսքանով ամեն ինչ ասված է…