Լրահոս
Օրվա լրահոսը

Ոստիկանության գնդապետ Նելլի Դուրյան. «Մուրացկանություն անողները Երեւան են գալիս մարզերից»

Օգոստոս 09,2013 11:52

«Մուրացկանություն անողները Երեւան են գալիս մարզերից: Իրենք տուն ունեն, բայց գերադասում են այս ձեւով գումար վաստակելը: Մենք նրանց աշխատանք ենք առաջարկում, բայց նրանք հրաժարվում են, որովհետեւ գուցե այս ձեւով ավելի շատ գումար են աշխատում: Սոցիալապես անապահով վիճակը պատճառ չէ, որ մարդը զբաղվի մուրացկանությամբ, կամ գողություն կատարի: Սա մտածելակերպ է, ընտանիքի դաստիարակության արդյունք, եւ ի վերջո չէ, որ ավելի վատ ապրող ընտանիքներ կան, որ մուրացկանություն չեն անում»,- Այսօր «Ֆորում» ակումբում ասաց ՀՀ Ոստիկանության ՔՀԳՎ 3-րդ վարչության պետ, ոստիկանության գնդապետ Նելլի Դուրյանը:

Ինչ վերաբերվում է անչափահասների կատարած հանցագործությունների տեսակներին, ապա ըստ Դուրյանի՝ դա հիմնականում գողությունն է եւ մարմնական վնասվածքները:

Քրեակատարողական հիմնարկներից ազատված անչափահասների շրջանում հետագայում աշխատանքի տեղավորվելու հարցում առաջ եկած խնդիրներին անդրադառնալով էլ Դուրյանն ասաց, թե այժմ խնդիր չկա, որ եթե երեխան պատիժ է կրել ուրեմն ուսման կամ աշխատանքի վայրում պետք է խնդիրներ ունենան: Հիմա, ըստ նրա, նախկինի պես չէ, եւ պատիժ կրած անչափահասների անձնագրերում դրոշմ չի դրվում:

Եվա ՀԱԿՈԲՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Օգոստոս 2013
Երկ Երե Չոր Հնգ Ուրբ Շաբ Կիր
« Հուլ   Սեպ »
 1234
567891011
12131415161718
19202122232425
262728293031