Հայաստանի քաղաքագետների միության ղեկավար, քաղաքագետ Հմայակ Հովհաննիսյանը ԳԱԼԱ-ի հետ զրույցում խոսելով Սյունիքի թիվ 38 ընտրատարածքում նախատեսվող ՀՀ ԱԺ պատգամավորի ընտրության մասին ասել է.
«Մեզանում ընտրությունները միապաղաղ եղանակով են անցնում, եւ ավաղ անակնկալներ չեն լինում, եւ ըստ էության այդ ընտրությունները նմանվում են նշանակումների, դրանք ընտրություններ չեն, այլ իշխող ուժի կողմից պատգամավորի նշանակում: Նկատի ունենալով այն հանգամանքը, որ Սյունիքի նախկին մարզպետ Սուրիկ Խաչատրյանը շարունակում է որոշումներ կայացնել, փոփոխությունների սպասել պետք չէ: Եթե հաշվի առնենք այն, որ Սյունիքում երկար տարիներ գործում է Սուրիկ Խաչատրյանի բանդան, որը ահաբեկել է Սյունիքի բնակչությանը եւ մարդկանց ահ ու սարսափի մեջ է պահում, եթե հաշվի առնենք, որ այս բանդան ամենեւին էլ իր դիրքերը մտադիր չէ զիջել որեւէ մեկին, եթե հաշվի առնենք, որ այդ բանդայի գերիշխանությունը հաստատվեց նրանով, որ Լիսկան վերջերս հանդես եկավ ամպագոռգոռ հայտարարությամբ, թե Սերժ Սարգսյանը իր հետ է խորհրդակցել եւ որոշում կայացրել Սյունիքի մարզպետի պաշտոնում նշանակելու Վահե Հակոբյանին, ու եթե հաշվի առնենք այն, որ դրանից հետո նման անձնավորությունը` Լիսկան, ով այդ բանդայի պարագլուխն է, անց է կացրել իշխող ուժի տեղական կառույցի ժողովը եւ առաջադրել է Արմեն Կարապետյանին, ապա այս ամենը իմ մի բերելով՝ կարելի է ասել, որ ամեն ինչ արվում է, որ Սյունիքը չկարողանա ազատագրվել Սուրեն Խաչատրյանի գերիշխանությունից»,- ասել է նա:
Հոդվածն ամբողջությամբ` սկզբնաղբյուր կայքում
Բանդիտական բուրգում,՝ բանդիտներ են հարկավոր:
Maxim.
Արմեն Կարապետյանը իր էությամբ կարգապահ,կրթված և օրինապաշտ անձնավորություն է: